Take a fresh look at your lifestyle.

Weather Alert : महाराष्ट्रात पुन्हा ओला दुष्काळ? ‘या’ जिल्ह्यांत पुढील 2 दिवस अवकाळी वादळी पावसासह गारपीट..

यंदाच्या पावसाळ्यात महाराष्ट्रात पुरेसा पाऊस झालेला. त्यामुळे शेतकरी आधीच संकटात सापडला आहे. दरम्यान, नोव्हेंबर महिन्यात महाराष्ट्रात झालेल्या अवकाळी पावसाने शेतकऱ्यांची चिंता वाढवली आहे. दरम्यान, राज्यात पुन्हा एकदा अवकाळी पाऊस आणि गारपीट झाली आहे. पावसामुळे शेतकऱ्यांची पिके उद्ध्वस्त झाली आहेत. त्याचबरोबर पावसाची ही मालिका आणखी दोन दिवस कायम राहण्याची शक्यता हवामान खात्याने व्यक्त केली आहे.

विदर्भातील बहुतांश जिल्ह्यांमध्ये पिकांचे मोठे नुकसान झाले आहे. हरभरा, वाटाणा, सोयाबीन, कापूस, गहू यासह अनेक पिकांचे मोठे नुकसान झाले आहे.

नागपूर प्रादेशिक हवामान विभागाने दिलेल्या माहितीनुसार, पुढील दोन दिवस अवकाळी पावसाचा हा क्रम कायम राहणार आहे. त्यामुळे राज्यातील अनेक जिल्ह्यांमध्ये यलो अलर्ट जारी करण्यात आला आहे. अधिक माहितीनुसार, 890 गावांतील 67 हजार 866 शेतकऱ्यांना अवकाळी पावसाचा फटका बसला आहे. 32 हजार 832 हेक्टर पिकांचे नुकसान झाल्याचा प्राथमिक अंदाज जिल्हा प्रशासनाने वर्तविला आहे. तर 10 हजार 408 हेक्टरवरील कांदा, 6 हजार 792 हेक्टरवरील भात पिकाचा समावेश आहे.

दोन दिवस अवकाळीची शक्यता..

भारतीय हवामान विभागाकडून मिळालेल्या हवामान अंदाजानुसार, 28 ते 29 तारखेपर्यंत (आज आणि उद्या) हलका ते मध्यम पाऊस पडण्याची शक्यता आहे. त्यामुळे शेतकऱ्यांनी आपल्या शेतमालाची योग्य ती काळजी घ्यावी, अशा सूचना देण्यात आल्या आहेत. हवामान खात्याच्या अंदाजानुसार, रविवारी मध्यरात्रीपासून अमरावतीसह अकोला, बुलढाणा, वाशीम, यवतमाळ जिल्ह्यात संततधार पाऊस सुरू होता. वादळी वाऱ्यामुळे अनेक ठिकाणी किरकोळ नुकसान झाले आहे.

किती दिवस पाऊस राहणार. .

भारतीय हवामानशास्त्र विभागाने (IMD) सोमवारी सांगितले की, अंदमान आणि निकोबार बेटांजवळ कमी दाबाचे क्षेत्र तयार झाले आहे आणि येत्या काही दिवसांत त्याचे बंगालच्या उपसागरात चक्रीवादळात रूपांतर होऊ शकते. हवामान खात्याने दक्षिण अंदमान समुद्र आणि लगतच्या मलाक्का सामुद्रधुनीवर कमी दाबाचे क्षेत्र तयार झाले आहे.

त्यामुळे बंगालच्या उपसागरातून हवेच्या वरच्या थरात आणि खालच्या थरात पश्चिमेकडून वाफेचे वारे वाहण्याची शक्यता होती. या वाऱ्यांमुळे 25 ते 27 नोव्हेंबर दरम्यान मध्य महाराष्ट्र, कोकण, गोवा येथे अनेक ठिकाणी आणि 25 ते 28 नोव्हेंबरपर्यंत मराठवाड्यात मेघगर्जनेसह पाऊस पडण्याची शक्यता आहे.