Take a fresh look at your lifestyle.

Fastag KYC अपडेटची आज लास्ट डेट, उद्यापासून टोल टॅक्स होणार दुप्पट! पहा KYC अपडेटची स्टेप बाय स्टेप प्रोसेस..

तुम्हीही तुमच्या वाहनात फास्टॅग (Fastag) वापरत असाल तर ही बातमी तुमच्यासाठी आहे. भारतीय राष्ट्रीय महामार्ग प्राधिकरणाने (NHAI) सर्व युजर्संना त्यांच्या फास्टॅगचे केवायसी 31 डिसेंबरपर्यंत पूर्ण करण्यास सांगितले आहे. अशा परिस्थितीत ज्या युजर्संनी आज 12 वाजेपर्यंत त्यांचे केवायसी पूर्ण केलेले नाही. त्यांचा फास्टॅग काळ्या यादीत टाकले जाईल आणि तुमची थकबाकी देखील अडकू शकते..

अनेक लोक एकाच ऑटोमोबाईलसाठी अनेक फास्टॅग वापरत आहेत आणि त्यांची व्हेरीफिकेशनही होत नाही. अशा परिस्थितीत ज्यांनी आजपर्यंत आपले फास्टॅग केवायसी (KYC) करून घेतले आहे, त्यांनी ते आजच करून घ्यावे, अन्यथा 1 फेब्रुवारीपासून ते निष्क्रिय होईल आणि अशा परिस्थितीत तुम्हाला टोल प्लाझावर दुप्पट पैसे मोजावे लागतील.

फास्टॅग म्हणजे काय ?

फास्टॅग ही एक इलेक्ट्रॉनिक सिस्टीम आहे, ज्यामध्ये तुमच्या वाहनाच्या पुढील विंडशील्डवर एक स्लिप ठेवली जाते. स्लिपमध्ये एक कोड दिलेला आहे जो तुमच्या बँक खात्याशी जोडलेला आहे. तुमची गाडी टोल बुथवर पोहोचताच. तुमच्या खात्यातून टोलचे पैसे कापले जातात. या सिस्टीममध्ये RFID टेक्नॉलॉजी वापरण्यात आली आहे.

FASTag KYC कसे अपडेट करावे?

फास्टॅगचे KYC अपडेट करण्यासाठी खाली दिलेल्या स्टेप्स फॉलो करा.

सर्वप्रथम फास्टॅगच्या अधिकृत वेबसाइटवर जा. :- fastag.ihmcl.com

आता तुम्हाला तुमचा मोबाईल नंबर टाकावा लागेल आणि OTP द्वारे लॉग इन करावे लागेल.

यानंतर ‘My Profile’ विभागात जा.

आता तुम्हाला KYC टॅबवर क्लिक करावे लागेल. येथे विनंती केलेली सर्व माहिती प्रविष्ट करा..

आता तुमचे केवायसी पूर्ण झाले आहे.

FASTag KYC साठी आवश्यक कागदपत्रे..

तुमच्या वाहनाचे नोंदणी प्रमाणपत्र

आधार, मतदार कार्ड सारखे ओळखपत्र

पत्त्याचा पुरावा

पासपोर्ट आकाराचा फोटो

FASTag KYC स्टेटस कसे तपासायचे ?

तुम्ही fastag.ihmcl.com वर जाऊन फास्टॅग स्टेटस तपासू शकता..

वेबसाइटवर तुम्हाला वरच्या उजव्या भागात लॉगिन टॅबवर क्लिक करावे लागेल.

लॉग इन करण्यासाठी, तुम्हाला OTP साठी नोंदणीकृत मोबाइल नंबर द्यावा लागेल.

लॉग इन केल्यानंतर, डॅशबोर्डवरील My Profile विभागात क्लिक करा.

माय प्रोफाइल विभागात, तुम्हाला तुमच्या फास्टॅगची केवायसी स्टेटस आणि नोंदणी प्रक्रियेदरम्यान सबमिट केलेले प्रोफाइल तपशील देखील आढळतील. तुम्ही तुमच्या बँकेच्या वेबसाइटवरूनही हे करू शकता..