Take a fresh look at your lifestyle.

BREKING: देशातील या राज्यांमध्ये पाण्याखाली धावणार ट्रेन,जाणून घ्या किती सुरक्षित आहे हे तंत्रज्ञान…

Underwater Metro train: कोलकात्यामध्ये मेट्रो ट्रेन आता पाण्याखाली धावणार,विचार केला तर आपल्या भारतामध्ये पहिल्यांदाच अंडर वॉटर मेट्रो ट्रेन आता सुरु होणार आहे, खरं तर, कोलकाता मेट्रोच्या पूर्व-पश्चिम कॉरिडॉर अंतर्गत हुगळी नदीत पाण्याखालील बोगद्याचे बांधकाम पूर्ण झाले आहे.

बोगद्याच्या उभारणीसाठी 120 कोटी रुपये खर्च करण्यात आले आहेत. नदीत बांधलेला हा बोगदा भारतातील पहिलाच बोगदा आहे, ज्यातून जाण्याचा अनुभव अविश्वसनीय असेल.

520 मीटर लांबीचा बोगदा पार करण्यासाठी ट्रेनला 45 सेकंद लागतील.हा बोगदा लंडन-पॅरिस कॉरिडॉर (युरोस्टार) प्रमाणे बांधला जात आहे. विशेष म्हणजे हा बोगदा जमिनीपासून 33 मीटर खाली आणि नदीच्या तळापासून 13 मीटर खाली बांधला जात आहे. हा बोगदा पूर्व हावडा मैदानाला पश्चिमेकडील IT हब सॉल्ट लेक सेक्टर V ला जोडतो.

हा कोलकाताचा पूर्व पश्चिम मेट्रो कॉरिडॉर आहे. 520 मीटर लांबीच्या बोगद्याचे बांधकाम पूर्ण झाले आहे. आता एस्प्लेनेड ते सियालदाह दरम्यानचे 2.5 किमीचे बांधकाम पूर्ण होताच ते सुरू केले जाईल. डिसेंबर 2023 मध्ये या कॉरिडॉरमध्ये गाड्या धावण्याची अपेक्षा आहे.

या बोगद्याच्या काय फायदा होईल?

कोलकाता मेट्रो रेल कॉर्पोरेशनचे महाव्यवस्थापक (सिव्हिल) शैलेश कुमार(Shailesh Kumar) यांनी सांगितले की, कोलकाता मेट्रोच्या पूर्व-पश्चिम कॉरिडॉरसाठी हा बोगदा आवश्यक होता. हे अनेक कारणांसाठी महत्त्वाचे आहे. येथील दाट लोकसंख्या आणि तांत्रिक आव्हाने यामुळे नदीतून मार्ग काढणे हाच एकमेव उपाय होता.

शैलेश कुमार म्हणाले कि “हावडा आणि सियालदह दरम्यानच्या मार्गावर या बोगद्याच्या बांधकामामुळे वेळेची बचत होईल,”. हे अंतर कापण्यासाठी पूर्वी एक तास लागत होता आणि आता चाळीस मिनिटे लागतात.तसेच दोन्ही बाजूची गर्दी कमी करण्यासाठी हे बोगदे महत्त्वाचे ठरणार आहेत.बोगद्यातील पाण्याचा दाब आणि प्रवाह लक्षात घेऊन अनेक उपाययोजना करण्यात आल्या आहेत.

मेट्रो चालवण्यासाठीही बॅटरीचा वापर केला जाऊ शकतो:-
TOI ने असा अहवाल दिला आहे की उद्याचा ट्रेल रन सॉल्ट लेक आणि हावडा दरम्यान सियालदह आणि एस्प्लेनेड बोगद्यामधून यशस्वीरित्या जाणार असून. त्याच वेळी, सियालदह ते एस्प्लानेड दरम्यान ट्रॅक टाकण्याचे काम अपूर्ण आहे. तात्पुरता ट्रॅक टाकून चाचणीसाठी तयार करण्यात आला असला तरी. सियालदाह स्थानकापर्यंत गाड्या सामान्यपणे धावतील परंतु सियालदह ते एस्प्लानेडपर्यंत, त्यांना बॅटरीवर चालणाऱ्या लोकोद्वारे बोगद्याच्या स्वरूपात ढकलले जाईल. त्यानंतर एस्प्लेनेड ते हावडा ते सामान्यपणे काम करतील.