Take a fresh look at your lifestyle.

CNG Prices Hike : सर्वसामान्य जनता गॅसवर ! CNG-PNG च्या दरात मोठी वाढ ; 1Kg CNG पोहचला 100 जवळ…

शेतीशिवार टीम : 2 ऑगस्ट 2022 :- सर्वसामान्यांना मोदी सरकारने पुन्हा एकदा मोठा झटका दिला आहे. आता पुन्हा CNG-PNG च्या किमतीत वाढ झाली असल्य्याने आणखी वाढ पाहण्यासाठी सज्ज राहवं लागणार आहे.

येत्या काही दिवसांत सीएनजी-पीएनजीच्या (CNG-PNG) किमतीत मोठी वाढ होण्याची शक्यता आहे. गेल (GAIL) या नैसर्गिक वायूचा पुरवठा करणाऱ्या कंपनीमुळे ही वाढ होण्याची शक्यता व्यक्त केली जात आहे.

सरकार संचालित GAIL ने शहर गॅस कंपन्यांना पुरवल्या जाणार्‍या नैसर्गिक वायूच्या किमती तब्बल 18% ने वाढवल्या आहेत. त्यात वाढ झाल्यानंतर सर्वसामान्यांवरही त्याचा परिणाम होणार आहे.

ग्रीन गॅस लिमिटेडने सोमवारी मुंबईमध्ये CNG च्या दरात प्रति किलो 7.3 रुपयांची वाढ केली. आता लखनऊमध्ये ग्रीन गॅस लिमिटेडने पुरवलेल्या CNG साठी प्रति किलो 92.10 रुपये मोजावे लागतील. तज्ज्ञांच्या मते, GAIL ने केलेली ही वाढ कंपन्या सर्वसामान्यांकडून भरून काढणार आहे.

एक काळ असा होता जेव्हा पेट्रोल आणि डिझेलच्या तुलनेत CNG चे दर खूपच कमी होते. मात्र सातत्याने होत असलेल्या दरवाढीमुळे हे अंतर खूपच कमी झाले आहे. या वर्षी आतापर्यंत CNGच्या किमती 74% आणि मुंबईत 62 टक्क्यांनी वाढल्या आहेत. ऑटो इंडस्ट्रीवर लक्ष ठेवणाऱ्या तज्ज्ञांच्या म्हणण्यानुसार, CNG च्या दरात सातत्याने वाढ होत असल्याने CNG वाहनांच्या विक्रीवर परिणाम होऊ शकतो.

देशांतर्गत नैसर्गिक वायूची किंमत, आंतरराष्ट्रीय केंद्रांवर सरासरी दरांशी जोडलेल्या सरकार-निर्धारित सूत्रानुसार, गेल्या ऑगस्टमध्ये $1.79 प्रति mmBtu होती. गेल्या ऑक्टोबरमध्ये ते $2.9 आणि या एप्रिलमध्ये $6.1 वर पोहोचले.

शहरी गॅस कंपन्यांची वाढती मागणी पूर्ण करण्यासाठी देशांतर्गत उत्पादन पुरेसे नसल्यामुळे, सरकारने गेलला हा तुटवडा भरून काढण्यासाठी गॅस आयात करण्याचे निर्देश दिले.

सिटी गॅस कंपन्यांची संपूर्ण गरज आता GAIL द्वारे पूर्ण केली जात आहे. परंतु आकारली जाणारी किंमत घरगुती आणि आयातित गॅसचे मिश्रण आहे. मिश्रित दर, जो आयात केलेल्या गॅसच्या किमतीवर आधारित दर महिन्याला बदलतो, जुलैमध्ये $8.9 वरून ऑगस्टमध्ये $10.5 पर्यंत वाढला आहे.