पोस्ट ऑफिस स्मॉल सेव्हिंग्ज स्कीम्स ही कोणतीही जोखीम न घेता छोट्या बचतीतून खात्रीपूर्वक कमाई करण्याचा उत्तम पर्याय आहे. यापैकी एक योजना पोस्ट ऑफिस मासिक उत्पन्न योजना (POMIS) आहे.
पोस्ट ऑफिसच्या एमआयएस योजनेत सिंगल आणि जॉईंट खाती उघडण्याची सुविधा आहे. एमआयएस खात्यात एकदाच गुंतवणूक करावी लागेल. त्याची परिपक्वता 5 वर्षांची आहे. एमआयएसला अधिक आकर्षक बनवण्यासाठी सरकारने 1 एप्रिल 2023 पासून व्याजदर 7.4 टक्के केला आहे. यासोबतच गुंतवणुकीची मर्यादाही वाढवण्यात आली आहे.
POMIS : मासिक उत्पन्नाचा चांगला मार्ग..
या पोस्ट ऑफिस योजनेअंतर्गत, एका खात्यात जास्तीत जास्त 9 लाख रुपये जमा केले जाऊ शकतात, तर जॉईन्ड खात्यात कमाल ठेव मर्यादा 15 लाख रुपये आहे.
सध्या या योजनेत वार्षिक 7.4 टक्के व्याज मिळत आहे. तुमची इच्छा असल्यास, तुमची एकूण मूळ रक्कम 5 वर्षांच्या मॅच्युरिटी कालावधीनंतर परत केली जाईल. तसेच, त्याला आणखी 5-5 वर्षांसाठी वाढवता येऊ शकते. दर 5 वर्षांनी, मूळ रक्कम काढण्याचा किंवा योजना पुढे नेण्याचा पर्याय असतो. खात्यावर मिळणारे व्याज दरमहा तुमच्या पोस्ट ऑफिस बचत खात्यात जमा केले जाते.
POMIS : 5 लाख एकरकमी ठेवीवर तुम्हाला किती मिळणार व्याज ?
या पोस्ट ऑफिस योजनेत मासिक उत्पन्नाची हमी आहे. समजा तुम्ही एकच खाते उघडले आहे आणि त्यात 5 लाख रुपये जमा केले आहेत. यावर 7.4 टक्के दराने 36,996 रुपये वार्षिक व्याज मिळते. जर तुम्ही 12 महिन्यांत विभागले तर तुम्हाला दरमहा 3083 रुपये मिळतील.
नियमांनुसार, दोन किंवा तीन लोक मिळून MISमध्ये जॉईन्ड खाते उघडू शकतात. या खात्याच्या बदल्यात मिळणारे उत्पन्न प्रत्येक सदस्याला समान दिले जाते. जॉईंट खाते कधीही सिंगल खात्यात रूपांतरित केले जाऊ शकते. सिंगल खाते देखील जॉईन्ड खात्यात रूपांतरित केले जाऊ शकते. खात्यात कोणत्याही प्रकारचा बदल करण्यासाठी सर्व खाते सदस्यांना जॉईंट खाते अर्ज द्यावा लागतो.
POMIS : प्रीमॅच्युअर बंद करण्याचा ऑप्शन..
MIS ची मॅच्युरिटी पाच वर्षांची आहे, तरीही प्रीमॅच्युअर क्‍लोजर होऊ शकते. परंतु, आपण ठेवीच्या तारखेपासून एक वर्ष पूर्ण झाल्यानंतरच पैसे काढू शकता. नियमांनुसार, एक वर्ष ते तीन वर्षांच्या दरम्यान पैसे काढले तर ठेव रकमेतील 2 टक्के रक्कम कापून परत केली जाईल. तुम्ही खाते उघडल्यानंतर 3 वर्षांच्या मुदतीपूर्वी कधीही पैसे काढल्यास, तुमच्या ठेव रकमेतील 1% कपात केली जाणून खात्यात जमा केली जाईल.