हुबेहुब Hero Splendor सारखी Electric Bike लॉन्च । सिंगल चार्जवर 140Km पर्यंत रेंज ; पहा किंमत अन् रेंज…

शेतीशिवार टीम : 10 जुलै 2022 :- कर्नाटक राज्यातील बेळगावस्थित इलेक्ट्रिक Bike प्रॉडक्शन कंपनी ADMS ने अलीकडेच बेंगळुरू येथे आयोजित ग्रीन व्हेईकल एक्स्पोच्या तिसऱ्या आवृत्तीत आपली नवीन इलेक्ट्रिक बाइक ADMS बॉक्सर (ADMS Boxer) लॉन्च केली आहे. ADMS ची ही बॉक्सर (Boxer) इलेक्ट्रिक बाइक हिरो हुबेहूब स्प्लेंडर सारखी दिसते. जर तुम्ही बॅटरीचा भाग सोडला तर या बाईकची पुढील ते मागची संपूर्ण डिझाईन हीरो स्प्लेंडर सारखीच आहे.

140Km पर्यंत रेंज :-

ADMS बॉक्सर (ADMS Boxer) भारतात 1.25 लाख रुपयांच्या एक्स-शोरूम किमतीत लॉन्च करण्यात आली आहे. या बाइकमध्ये रिव्हर्स मोडसह तीन रायडिंग मोड आहेत. ब्रँडच्या दाव्यांवर विश्वास ठेवला तर, ही बाइक इको मोडमध्ये 140 Kmची रेंज देऊ शकते जी सर्वोच्च रेंज आहे. यात लिथियम-आयन बॅटरी आहे जी हब माउंटेड मोटरला पॉवर देते.

ADMS Boxer ची डिजाइन :-

या बाईकच्या डिझाईनबद्दल बोलायचं झाले तर हिरो स्प्लेंडर प्रमाणेच चौकोर हेडलाइट, टेल लॅम्प, टर्न इंडिकेटर, सीट आणि मडगार्ड आहे. या बाईककडे हलक्या नजरेने पाहिले तर ती पूर्णपणे स्प्लेंडर प्लससारखी दिसते. बाईकच्या इंजिनच्या डब्यात एक मोठी बॅटरी बसवण्यात आली आहे, जी पांढऱ्या कव्हरने झाकलेली आहे.

या बाईकचे सस्पेन्शन सेटअप आणि इन्स्ट्रुमेंट क्लस्टर देखील स्प्लेंडर सारखेच आहे. परंतु, एक इलेक्ट्रिक बाइक असल्याने, ADMS Boxerमध्ये काही विशिष्ट फीचर्स देखील आहेत. जसे की यात भिन्न हँडलबार डिझाइन आणि पोझिशनिंग, क्रोम-टिप्ड ग्रिप आणि युनिक स्विच क्यूब मिळते.

बाईकच्या इन्स्ट्रुमेंट क्लस्टरमध्ये इंधन गेजऐवजी बॅटरी इंडिकेटर देण्यात आला आहे आणि त्याच्या हँडलवर USB चार्जिंग पोर्ट देखील आहे. स्पीड मीटर डाव्या इन्स्ट्रुमेंट पॉडमधील स्प्लेंडरसारखेच आहे परंतु आतील ग्राफिक्स वेगळे आहेत. कंपनीने बाइकमध्ये डिजिटल इन्स्ट्रुमेंट क्लस्टर किंवा डिस्प्ले दिलेला नाही.

ADMS बॉक्सर इलेक्ट्रिक बाइक पूर्णपणे बंद फेअरिंगसह येते, जे दर्शवते की, बाइकची बॅटरी काढता येत नाही. बाइकमध्ये इंधन कॅपच्या जागी चार्जिंग सॉकेट देण्यात आले आहे. सध्या कंपनीने बाईकमध्ये लावलेल्या बॅटरीची पॉवर, टॉर्क, फीचर्स आणि वॉरंटी याविषयी माहिती शेअर केलेली नाही…

जर तुम्ही रोजच्या वापरासाठी परवडणारी कम्युटर इलेक्ट्रिक बाइक शोधात असाल तर ADMS बॉक्सर ही त्यांच्यासाठी योग्य बाईक ठरू शकते.

ADMS भारतीय बाजारपेठेत इलेक्ट्रिक टू-व्हीलर ऑफर करते. कंपनीने उत्पादित केलेल्या बहुतेक इलेक्ट्रिक दुचाकींची रेंज 100 ते 120 किमी आहे. कंपनीची सर्वाधिक विक्री होणारी ADMS-TTX इलेक्ट्रिक स्कूटर 1,500W इलेक्ट्रिक मोटरसह येते. स्कूटर चार्ज होण्यासाठी 4-5 तास लागतात आणि ती 3 वर्षांच्या वॉरंटीद्वारे संरक्षित आहे.