Double Decker Buses in Pune : तब्बल 25 वर्षांनंतर पुण्यात पुन्हा धावणार डबल डेकर बस; हे 40 रूट्स झालेत फायनल, पहा डिटेल्स..

तब्बल 25 वर्षांनंतर पुन्हा एकदा शहरातील रस्त्यावर डबल डेकर बस धावणार आहेत. PMPML पुणे आणि पिंपरी-चिंचवड कार्यक्षेत्रातील 40 मार्गांवर टप्प्याटप्प्याने अशा 20 इलेक्ट्रिक बसेस समाविष्ट करण्याचा विचार करत आहे.

पुणे महानगर परिवहन महामंडळ लिमिटेड (PMPML) च्या वरिष्ठ अधिकाऱ्यांनी सांगितले की, बसेस कंत्राटावर घेण्याऐवजी थेट खरेदी करण्यावर भर देण्यात आला आहे.

पीएमपीएमएलचे सीएमडी ओम प्रकाश बकोरिया म्हणाले की, आम्हाला पीएमपीएमएलच्या ताफ्यात आणखी बसेसची गरज आहे. विविध प्रकारच्या बसेस येणे अपेक्षित असून यावर्षी डबल डेकर बसेस मिळण्याचे आमचे लक्ष्य आहे. ते म्हणाले की, कंत्राटदार किंवा अन्य स्रोतांकडून बसेस घेण्याऐवजी आम्ही पुणे आणि पिंपरी – चिंचवड महापालिकेच्या मदतीने बस खरेदी करण्याचा आग्रह धरला आहे.

यापूर्वी दोन्ही महानगरांमध्ये होता स्वतंत्र वाहतूक विभाग..

पीएमपीएमएलची स्थापना नसताना 1984 मध्ये पुणे महानगरपालिकेच्या अंतर्गत पुणे म्युनिसिपल ट्रान्सपोर्ट (पीएमटी) ने शहरातील रस्त्यावर डबल-डेकर बसेस सुरू केल्या होत्या. यापूर्वी दोन्ही महानगरपालिकांची स्वतःची परिवहन मंडळे होती, जी 2007 मध्ये विलीन करून पीएमपीएमएल तयार करण्यात आली. 1995 मध्ये जास्त देखभाल खर्च आणि अपघातांमुळे डबल डेकर सेवा बंद होण्यापूर्वी सुमारे सहा बस शहराच्या रस्त्यावर धावल्या होत्या. मिळालेल्या माहितीनुसार, आता अंतिम 40 मार्गांची निवड अत्यंत काळजीपूर्वक करण्यात आली आहे.

पीएमपीएमएल आणि बेस्टच्या अधिकाऱ्यांची चर्चा सुरू..

अधिकाऱ्यांनी सांगितले की, हे बीआरटीएस नसलेले मार्ग आहेत आणि त्यांना तीव्र वळणे नाहीत. एका अधिकाऱ्याने सांगितले की, पीएमपीएमएलचे अधिकारी मुंबईतील बेस्टच्या परिवहन अधिकाऱ्यांशी चर्चा करत आहेत. मुंबईत बेस्ट परिवहनच्या डबल डेकर बसेस आधीच धावत आहेत.

40 अंतिम मार्गांमध्ये हडपसर – पीएमसी, हडपसर – कात्रज, पीएमसी – बाणेर, भोसरी – आळंदी, भोसरी – निगडी आणि कात्रज-हिंजवडी मार्गे देहू रोड बायपासचा समावेश आहे. मिळालेल्या माहितीनुसार, परिवहन विभागाची पुढील बैठक लवकरच होणार असून, त्यात सविस्तर चर्चा होणार आहे.