‘या’ SUV ला ग्राहकांकडून मिळालं भरभरून प्रेम ; लॉन्च झाल्यापासून ओलांडला 3 लाख युनिट विक्रीचा टप्पा !
शेतीशिवार टीम, 26 मे 2022 :- Hyundai Venue SUV वर ग्राहकांचे भरभरून प्रेम आहे. 2019 मध्ये लॉन्च झाल्यापासून, त्याने भारतात 3 लाख युनिट विक्रीचा टप्पा ओलांडला आहे. Hyundai Venue ही भारतीय बाजारपेठेतील एक लोकप्रिय सबकॉम्पॅक्ट SUV ठरली आहे. ही SUV प्रथम मे 2019 मध्ये लाँच करण्यात आली होती आणि आता लॉन्च झाल्यानंतर तीन वर्षांनी, Venue ने देशात 3 लाख विक्रीचा टप्पा गाठला आहे.
लॉन्चच्या वेळी, Hyundai Venue ही भारतातील पहिली मास-मार्केट कार होती जी कनेक्टेड कार टेक्नोलॉजी मिळवते. कंपनीचे म्हणणं आहे की, विकल्या गेलेल्या सुमारे 18 टक्के युनिट्स कनेक्टेड कार टेक्नोलॉजी आहेत.आता कंपनी आपलं नवीन जनरेशन मॉडेल लॉन्च करण्याच्या तयारीत आहे.
2022 Hyundai Venue16 जून रोजी अनेक बदलांसह लॉन्च केलं जाणार आहे. हे वाहन यापूर्वी अनेकवेळा टेस्टदरम्यान भारतीय रस्त्यांवर अनेकदा दिसलं आहे. Creta प्रमाणेच या कॉम्पॅक्ट SUV मध्ये अनेक एक्स्टेरियर बदल पाहायला मिळतील. काही शोरूम्सनी तर 2022 Hyundai Venue फेसलिफ्टची बुकिंगही सुरू केली आहे.
2019 पासून Venue ची भारतीय बाजारपेठेत विक्री सुरू आहे, आणि ग्राहकांकडूनही त्याला चांगला प्रतिसाद मिळाला आहे. हे सब-4 मीटर एसयूव्ही स्पेसमध्ये सर्वाधिक विक्री होणाऱ्या वाहनांपैकी एक आहे. 2022 Hyundai Venue मध्ये पॅरामेट्रिक ज्वेल पॅटर्न फ्रंट ग्रिल, स्लिमर हेडलॅम्प, नवीन फॉग लॅम्प हाउसिंग, अपडेटेड फ्रंट आणि रियर बंपर यांसारखे बदल दिसू शकतात.
नवीन Hyundai Venue 2022 मध्ये सुधारित डॅशबोर्ड, इंटिरिअर थीम आणि सीट अपहोल्स्ट्री यांसारखे मानक फीचर्स दिसणार आहे, तसेच नवीनतम स्मार्टफोन कनेक्टिव्हिटी, व्हेंटिलेटेड सीट्स, 360 डिग्री कॅमेरा, फ्रंट पार्किंग सेन्सर्ससह मोठ्या टचस्क्रीन इन्फोटेनमेंट सिस्टम दिसायला मिळणार आहे.
Hyundai ने सांगितलं की, 70% ग्राहकांनी Venue च्या पेट्रोल व्हेरियंटला पसंती दिली आहे. तर केवळ 30% ग्राहकांनी डिझेल मॉडेलची निवड केली. दक्षिण कोरियाच्या कार निर्मात्याने 2021 मध्ये 2.5 लाख SUV ची विक्री केली आणि 1.08 लाख युनिट्सची विक्री केली, मागील कॅलेंडर वर्षात कंपनीच्या एकूण SUV विक्रीमध्ये Hyundai Venue चा वाटा 42% हून अधिक होता. शिवाय, 2021 मध्ये त्याच्या विभागामध्ये त्याचा 16.9% बाजार हिस्सा होता.
