शेतीशिवार टीम, 9 मार्च 2022 : नैसर्गिक आपत्तीमुळे पिकांचे मोठ्या प्रमाणात नुकसान होतं. त्यामुळे शेतकऱ्यांना मोठ्या अडचणींचा सामना करावा लागत आहे. नैसर्गिक आपत्तीमुळे पिकांचे नुकसान झाल्याने शेतकऱ्यांची आर्थिक स्थितीही बिकट झाली आहे. या समस्येवर मात करण्यासाठी केंद्र सरकारने प्रधानमंत्री फसल विमा योजना सुरू केली आहे. Pradhan Mantri Fasal Bima Yojana in Marathi
या योजनेद्वारे शेतकर्यांना कोणत्याही आपत्तीमुळे पिकांचे नुकसान झाल्यास विमा दिला जातो. तुम्हाला या लेखाद्वारे प्रधानमंत्री फसल विमा योजनेशी संबंधित संपूर्ण माहिती मिळणार आहे .
तत्पूर्वी ज्या शेतकऱ्यांनी या योजनेचा लाभ घेतला आहे किंवा घेत आहे अशा शेतकऱ्यांसाठी राज्य शासनाने एक महत्वपूर्ण आणि दिलासादायक निर्णय घेतला आहे. त्यामुळे महाराष्ट्रातील शेतकऱ्यांना दिलासा मिळणार आहे.
आज 9 मार्च 2022 रोजी राज्य सरकारने एक शासन निर्णय घेऊन पीक विमा 2021 संदर्भात राज्याच्या हिस्याचा 865.95 कोटी रुपये एवढा निधी वितरित करण्यासाठी मंजुरी देण्यात आली आहे.
पिक विमा योजना राबवत असताना नवीन मार्गदर्शक सूचना निर्गमित करण्यात आल्या असून जिल्हाधिकाऱ्यांच्या माध्यमातून अधिसूचना काढून जिल्ह्यातील शेतकऱ्यांना 25% पिकविम्याचं वाटप करण्यात आलं होतं. या नव्या मार्गदर्शक सूचनांनुसार मंजूर करण्यात आलेल्या निधीतून 80% तील 50% निधीचं राज्य शासनाच्या माध्यमातून वाटप करण्यात आलं होतं. आणि हा निधी वाटप झाल्यानंतरच केंद्र शासनाचा आणि राज्य शासनाचा निधी मिळून दिवाळीपूर्वी 25% चा पिक विम्याचं वाटप करण्यात आलं होतं.
परंतु तो पीकविमा अतिशय तोडका असल्याने सर्वांना प्रतीक्षा होती ती म्हणजे सरासरी उत्पादन उत्पन्नाची / अंतिम आकडेवारी जाहीर होण्याची अन् ही आकडेवारी जाहीर झाल्यानंतर सुद्धा आपण ज्या शेतकऱ्यांना 25% पीक विमा वाटप झाल्यानंतरही त्यांना देण्यात आलेला नव्हता. त्यामुळे प्रतीक्षा लागली होती ती म्हणजे राज्य शासनाच्या व केंद्र शासनाच्या माध्यमातून पीक विमा कंपन्यांना निधी वितरित करण्याबद्दल अन आता ती प्रतीक्षा संपली असून राज्य सरकारने 865.95 कोटी रुपये एवढा निधी वितरित करण्यासाठी मंजुरी देण्यात आली आहे.
शासन निर्णय :-
भारतीय कृषि विमा विमा कंपनीने सादर केलेली मागणी, कृषि आयुक्तालयाची शिफारस आणि केंद्र शासनाच्या सुधारीत मार्गदर्शक सुचनांमधील मुद्दा क्र . 13.1.11 या बाबींचा विचार करता, प्रधानमंत्री पिक विमा योजना खरीप हंगाम 2021 साठी उर्वरीत राज्य हिस्सा पिक विमा हप्ता अनुदान भारतीय कृषि विमा कंपनी, बजाज अलियांझ जनरल इन्शुरन्स कं.लि., भारती अँक्सा जनरल इन्शुरन्स कं.लि., रिलायन्स जनरल इन्शुरन्स कं.ल. व एचडीएफसी इर्गों जनरल इं.कं.लि. या 5 विमा कंपन्यांना अदा करण्यासाठी भारतीय कृषि विमा कंपनीस रु .865,95,58,459 / – इतका निधी मार्गदर्शक सूचनांमधील मुद्दा क्र 13.1.11 नुसार वितरीत करण्यास शासनाची मान्यता देण्यात येत आहे. सदरची रक्कम खरीप हंगाम 2021 करीता वितरीत करण्यात येत असून त्याचा वापर यापुर्वीच्या इतर हंगामाकरीता अनुज्ञेय असणार नाही.
संपूर्ण शासन निर्णय पहा…
maharashtra.gov.in
आता ज्या शेतकऱ्यांनी Pradhan Mantri Fasal Bima Yojana मध्ये रजिस्ट्रेशन केलं नाही अशा शेतकऱ्यांनी ही खालील सर्व माहिती जाणून घ्या …
प्रधानमंत्री पीक विमा योजनेशी संबंधित काही महत्वाची माहिती…
देशातील शेतकऱ्यांना कोणत्याही नैसर्गिक आपत्तीमुळे पिकांचे नुकसान झाल्यास विमा संरक्षण देण्यासाठी प्रधानमंत्री पीक विमा योजना सुरू करण्यात आली आहे.
या योजनेचा आतापर्यंत लाखो शेतकऱ्यांना लाभ झाला आहे.
पहिल्या 3 वर्षात शेतकऱ्यांनी सुमारे 13000 कोटी रुपयांचा प्रीमियम जमा केला आहे.
त्या बदल्यात, त्याला रु.60000 कोटी पर्यंतचा विमा दावा मिळाला आहे.
या योजनेचा लाभ सर्व पात्र शेतकऱ्यांपर्यंत पोहोचावा यासाठी शासनाकडून प्रयत्न केले जातात. ज्याला शासनाकडून प्रोत्साहन दिले जाते.
ही योजना 27 राज्ये आणि केंद्रशासित प्रदेशांमध्ये कार्यरत आहे.
या योजनेतील दाव्याचे प्रमाण 88.3% आहे.
या योजनेचा शासनाकडून वेळोवेळी आढावा घेतला जातो आणि सर्व लाभार्थ्यांशी संवाद साधला जातो.
फेब्रुवारी 2021 मध्ये या आराखड्यात काही सुधारणाही करण्यात आल्या आहेत. जेणेकरून सर्व शेतकऱ्यांना चांगल्या सुविधा देता येतील.
सुधारित प्रधानमंत्री फसल विमा योजनेनुसार, ज्या राज्यांमध्ये राज्य अनुदानाची रक्कम भरण्यास बराच काळ विलंब झाला आहे, ते या योजनेत सहभागी होऊ शकणार नाहीत.
विमा कंपनीला मिळालेल्या प्रीमियमपैकी 0.5% माहिती, शिक्षण आणि संप्रेषण क्रियाकलापांसाठी वापरला जातो.
या योजनेच्या यशस्वी अंमलबजावणीसाठी केंद्रीय सल्लागार समितीही स्थापन करण्यात आली आहे.
प्रधानमंत्री पीक विमा योजना आधार कायदा 2016 अंतर्गत चालवली जाते. या योजनेचा लाभ घेण्यासाठी लाभार्थ्याकडे आधार क्रमांक असणे अनिवार्य आहे.
कोणत्याही आपत्तीची चिंता न करता सर्व शेतकऱ्यांना शेती करण्यास प्रोत्साहित करणे हा या योजनेचा मुख्य उद्देश आहे.
PMFBY साठी आवश्यक कागदपत्रे :-
शेतकऱ्याचे ओळखपत्र
आधार कार्ड
शिधापत्रिका
बँक खाते
शेतकऱ्याचा पत्ता पुरावा (जसे की ड्रायव्हिंग लायसन्स, पासपोर्ट, मतदार ओळखपत्र)
भाड्याने शेती केली असल्यास शेतमालकाशी केलेल्या कराराची छायाप्रत
फार्म खाते क्रमांक / खसरा क्रमांकाचा कागद
अर्जदाराचा फोटो
ज्या दिवशी शेतकऱ्याने पिकाची पेरणी सुरू केली त्या दिवशीची तारीख.
प्रधानमंत्री फसल विमा योजना 2022 साठी ऑनलाइन कसा कराल ?
प्रधानमंत्री फसल विमा योजना फॉर्म ऑनलाइन भरण्यासाठी, या pmfby.gov.in वेबसाइटवर क्लिक करा.
पीक विमा योजनेसाठी अर्ज करण्यासाठी, सर्वप्रथम तुम्हाला अधिकृत वेबसाइटवर खाते तयार करावे लागेल.
खाते तयार करण्यासाठी, नोंदणीवर क्लिक करा आणि येथे विचारलेली सर्व माहिती भरा.
सर्व माहिती भरल्यानंतर सबमिट बटणावर क्लिक करा आणि त्यानंतर तुमचे खाते अधिकृत वेबसाइट होईल
खाते तयार केल्यानंतर, तुम्हाला तुमच्या खात्यात लॉग इन करून पीक विमा योजनेचा फॉर्म भरावा लागेल.
पीक विमा योजनेचा फॉर्म योग्यरित्या भरल्यानंतर, तुम्हाला सबमिट बटणावर क्लिक करावे लागेल त्यानंतर तुम्हाला तुमच्या स्क्रीनवर यशस्वी झाल्याचा संदेश दिसेल.
