MHADA Mumbai Lottery 2023: अर्ज सुरू होताच 1.91 लाख रजिस्ट्रेशन, मुंबईत कुठं हवंय घर? पहा लोकेशन, किंमत अन् ऑनलाईन अर्ज प्रोसेस, ..

म्हाडाच्या घर खरेदीदारांची चार वर्षांपासूनची प्रतीक्षा आता संपली आहे. सोमवारी दुपारी 3 वाजल्यापासून म्हाडाच्या घरांच्या सोडतीसाठी ऑनलाइन नोंदणीची लिंक उघडण्यात आली आहे. लॉटरी प्रक्रियेत सहभागी झालेल्यांच्या आनंदाचा अंदाज यावरून लावता येतो की, लॉटरीची तारीख जाहीर होण्यापूर्वीच 62 हजार लोकांनी त्यांची प्रोफाइल तयार केली होती.

सोमवारी नोंदणीची लिंक उघडताच 115 जणांनी 10 मिनिटांत अर्जाची प्रक्रिया पूर्ण केली. लिंक ओपन झाल्यानंतर काही सेकंदात 6 अर्जदारांनी डिपॉझिटची रक्कमही जमा केली. चार वर्षांनंतर म्हाडा प्रशासन मुंबई आणि परिसरातील 4083 घरांसाठी लॉटरी काढली आहे.

घर घेण्याचे स्वप्न होणार साकार..

मुंबईतील मालमत्तेच्या किमती गगनाला भिडल्या आहेत. अशा परिस्थितीत स्वप्नांच्या शहरात बजेटमध्ये घर घेणे म्हणजे स्वप्न पूर्ण करण्यासारखे आहे. यासाठी 1.91 लाख लोकांनी लॉटरीसाठी अनिवार्य नोंदणी पूर्ण केली होती. या अर्जदारांनी म्हाडाच्या वेबसाइटवर आवश्यक कागदपत्रे सादर करून त्यांची प्रोफाइल पूर्ण केली आहे. 2019 मध्ये म्हाडाने मुंबईतील घरांची शेवटची लॉटरी जाहीर केली होती.

अडीच लाख रुपयांचे मिळणार अनुदान..

गोरेगावमधील आर्थिकदृष्ट्या दुर्बल विभागातील (EWS) अर्जदारांना प्रधानमंत्री आवास योजनेअंतर्गत 2.5 लाख रुपयांचे अनुदान मिळेल. EWS श्रेणीतील लॉटरीत सर्वाधिक 1,947 घरेही गोरेगावमधील याच ठिकाणी उपलब्ध आहेत. सबसिडी मिळविण्यासाठी, या श्रेणीतील घर खरेदीदारांचे वार्षिक उत्पन्न 3 लाख रुपयांपेक्षा कमी असावे…

लोकेशनही आहे जबरदस्त..

कन्नमवार नगर, विक्रोळी येथे EWS आणि LIG श्रेणीतील 429 घरे देखील उपलब्ध आहेत. या घरांची किंमत 34 लाख ते 36 लाख रुपयांपर्यंत आहे. ईस्टर्न एक्स्प्रेस हायवेच्या जवळ असल्यामुळे कन्नमवर नगरमधील घर खरेदीदारांना थेट कनेक्टिव्हिटी मिळते. दुसरीकडे, गोरेगाव लिंक रोडचा डोंगरी प्रकल्प मेट्रो स्टेशनच्या अगदी समोर असल्याने लोकांना आकर्षित करेल. तसेच बोरिवलीचा मागाठाणे प्रकल्पही महामार्गाला लागून असून तोही स्थानकाला जोडलेला आहे.

उत्पन्नानुसार अनेक श्रेणी..

नवीन नियमांनुसार, EWS श्रेणीतील घरांचे वार्षिक उत्पन्न 6 लाख रुपयांपर्यंत असावे. केवळ LIG साठी 6 लाख ते 9 लाख रुपये वार्षिक उत्पन्न, MIG साठी 9 लाख ते 12 लाख रुपये आणि HIG श्रेणीतील घरांसाठी 12 लाखांपेक्षा जास्त उत्पन्न असलेलेच अर्ज करू शकतात..

अर्ज कुठे कराल ?

https://housing.mhada.gov.in

https://www.mhada.gov.in

लक्षात ठेवा या महत्वाच्या तारखा..

नोंदणी :- 26 जून सायंकाळी 6 वाजेपर्यंत

ऑनलाइन पेमेंट :- 26 जून रात्री 11:59 पर्यंत

पात्र / अपात्रांची यादी – 4 जुलै दुपारी 3 वाजेपर्यंत

अर्जदारांची अंतिम यादी – 12 जुलै दुपारी 3 वाजेपर्यंत

लॉटरी – 18 जुलै रोजी सकाळी 11 वा. (रंगशारदा सभागृह, वांद्रे.)