रेल्वे प्रवाशांसाठी आनंदाची बातमी ! महाराष्ट्रात आणखी 3 वंदे भारत एक्सप्रेस धावणार, मुंबई – पुणे – नागपूरपर्यंत असे आहेत रूट..
वंदे भारत एक्सप्रेस देशभर लोकप्रिय झाल्याबद्दल रेल्वेचीही खूप उत्सुकता वाढली आहे. आगामी काळात विविध राज्यांमध्ये आणखी वंदे भारत गाड्या सुरू करण्याचा रेल्वेचा मास्टर प्लॅन आहे. दिवाळीपूर्वी देशातील विविध मार्गांवर नऊ नव्या वंदे भारत एक्स्प्रेस गाड्या सुरू करण्याचा रेल्वेने विचार केला आहे. मीडिया रिपोर्ट्सनुसार, मध्य रेल्वे विभागात नवीन वंदे भारत एक्सप्रेस गाड्या चालवल्या जाणार आहे.परंतु,सेमी – हाय – स्पीड गाड्यांचे उर्वरित मार्ग अद्याप निश्चित झालेले नाहीत..
राज्यात या मार्गांवर धावणार वंदे भारत एक्सप्रेस..
देशाच्या मध्यवर्ती भागात चांगल्या कनेक्टिव्हिटीसाठी आतापर्यंत तीन मार्ग प्रस्तावित करण्यात आले आहेत – मुंबई ते जालना, पुणे ते सिकंदराबाद आणि मुंबई ते कोल्हापूरसह इतर सहा मार्ग लवकरच अंतिम केले जाणार आहे, कारण गाड्या औपचारिकपणे कार्यान्वित होण्यापूर्वी त्यांची टेस्ट घेतली जाणार आहे. राज्यातील या 3 मार्गांमुळे सणासुदीच्या काळांत प्रवाशांना नक्कीच दिलासा मिळणार आहे.
वाराणसी – टाटानगर वंदे भारत एक्सप्रेस..
या नऊ वंदे भारत एक्स्प्रेस मार्गांची घोषणा आणि पुष्टी होणे बाकी असताना, भारतीय रेल्वे वाराणसीहून दुसरी सेमी – हाय – स्पीड ट्रेन सुरू करण्यासाठी सज्ज आहे. हे वाराणसी ते टाटानगर दरम्यान 8 डब्यांच्या रेकसह चालेल. नवीन वाराणसी – टाटानगर वंदे भारत एक्स्प्रेस एकूण 6 थांब्यांवर थांबेल. यामध्ये टाटानगर जंक्शन, पुरुलिया जंक्शन, बोकारो सिटी, गया जंक्शन, पं. डीडी उपाध्याय जंक्शन आणि वाराणसी जंक्शन यांचा समावेश आहे.
वाराणसी – टाटानगर वंदे भारत एक्स्प्रेसच्या वेळेबद्दल सांगायचे तर, ही ट्रेन टाटानगर जंक्शनवरून सकाळी 6 वाजता सुटेल. दुपारी 1.50 वाजता वाराणसी जंक्शनला पोहोचेल. 574 किमी लांबीचा प्रवास देशातील सर्वात वेगवान ट्रेन अंदाजे 7 तास 50 मिनिटांत पूर्ण करेल. टाटानगरला परतण्यासाठी, ट्रेन वाराणसी जंक्शनवरून दुपारी 2:35 वाजता सुटेल आणि रात्री 10:00 वाजता शेवटच्या थांब्यावर पोहोचेल. या मार्गावरील प्रवाशांमध्ये नव्या वंदे भारतबद्दल प्रचंड उत्सुकता आहे..
इंदोर – भोपाळ वंदे भारत एक्सप्रेस आता नागपूरपर्यंत..
वंदे भारत एक्सप्रेस आता मध्य प्रदेशची व्यापारी राजधानी इंदूर येथून महाराष्ट्रातील प्रमुख शहर नागपूरपर्यंत धावणार आहे. इंदूर – भोपाळ दरम्यान धावणारी वंदे भारत ट्रेन सोमवारपासून सुरु झाली आहे. रेल्वेने नवे वेळापत्रक जाहीर केले आहे. भाजपचे राष्ट्रीय सरचिटणीस आणि इंदूर विधानसभा मतदारसंघातील भाजपचे उमेदवार कैलाश विजयवर्गीय यांच्या विनंतीवरून रेल्वेमंत्री अश्विनी वैष्णव यांनी याला मंजुरी दिली आहे.
पहा टाइम टेबल :-
इंदूरहून सकाळी 6.10 वाजता सुटेल आणि 9.15 वाजता भोपाळला पोहोचेल. 5 मिनिटांचा थांबा देऊन ही गाडी नागपूरकडे रवाना होईल. इटारसी मार्गे सकाळी 10.45 वाजता नागपूरला दुपारी 2.50 वाजता पोहोचेल. त्या बदल्यात ती नागपूरहून दुपारी 3.20 वाजता निघून इटारसीला 7 वाजता, भोपाळला 8.40 वाजता, उज्जैनला 10.50 वाजता आणि इंदूरला रात्री 11.45 वाजता पोहोचेल. ट्रेन पूर्वनिर्धारित वेळेवर प्लॅटफॉर्म एक वरून इंदूरहून संध्याकाळी 6.30 वाजता सुटेल..
