भारतातली सगळ्यात मोठी डील ! मुंबईत 23 फ्लॅट विकले गेले 1200 कोटींना…

मुंबईतील बहुमजली इमारतींमधील आलिशान फ्लॅटची किंमत कितीही वाढली तरी खरेदीदार ते कोणत्याही किंमतीला विकत घेतात. मायानगरीतील वरळी परिसरात नुकतेच 23 फ्लॅट 1200 कोटी रुपयांना विकले गेल्याची चर्चा शहरात रंगली आहे.

टाईम्स ऑफ इंडियाच्या रिपोर्टनुसार, डी मार्टचे संस्थापक राधाकिशन दमानी यांचे नातेवाईक, जवळचे मित्र आणि मैत्रिणींनी हा आलिशान फ्लॅट खरेदी केले आहे. ज्याचे बांधकाम सध्या सुरू आहे. वरळीच्या अँनी बेझंट रोडवर बांधल्या जाणाऱ्या थ्री सिक्स्टी वेस्टच्या बी – टॉवरमध्ये हे फ्लॅट्स खरेदी करण्यात आले आहेत.

या फ्लॅटची विक्री करणाऱ्या व्यावसायिकाचे नाव सुधाकर शेट्टी असून त्यांनी फ्लॅटमधील आपला हिस्सा विकला आहे. या प्रकल्पात सुधाकर शेट्टी यांनी आणखी एक बिल्डर विकास ओबेरॉय यांच्यासोबत भागीदारी केली होती.

या प्रकल्पात विकले जाणारे सर्व फ्लॅट 5000 चौरस फूट आकाराची आहेत. ज्याची किंमत 50 ते 60 कोटी आहे. हे सर्व 23 फ्लॅट विकून सुधाकर शेट्टी यांना त्यांचे एक हजार कोटी रुपयांचे कर्ज फेडायचं आहे. जी त्यांनी पिरामल फायनान्सकडून घेतलं होतं.

ही मालमत्ता एकाच वेळी खरेदी करण्यात आल्याने ही मालमत्ता मोठ्या डिस्काउंटमध्ये विकण्यात आल्याचे रिअल इस्टेट तज्ज्ञांचं म्हणणं आहे. याशिवाय कर्ज फेडण्यासाठी शेट्टी यांच्यावर खूप दबाव होता. याशिवाय सुधाकर शेट्टी यांनी हाँगकाँगस्थित एससी लोवी (SC LOWY) ग्लोबल बँकिंग आणि अँसेट मॅनेजमेंट कंपनीकडून 400 कोटींचे कर्जही घेतलं आहे.

महिन्यांनंतर डील झाली कम्फर्म..

अनेक दिवसांपासून सुधाकर शेट्टी आणि दमानी यांचे मित्र आणि जवळच्या मित्रांमध्ये हे फ्लॅट खरेदी करण्यासाठी चर्चा सुरू होती. जे सुमारे चार ते पाच महिन्यां नंतर फायनल झाले. सूत्रांनी दिलेल्या माहितीनुसार, एकत्रित खरेदी केलेल्या सर्व फ्लॅटची शुक्रवारी नोंदणी करण्यात आली. तथापि, थ्री सिक्स्टी वेस्टमध्ये बांधलेल्या काही मोठ्या अपार्टमेंट्सची गेल्या वर्षी 75 कोटी ते 80 कोटी रुपयांमध्ये विक्री झाली होती. आयजीई (इंडिया) प्रायव्हेट लिमिटेडने हे दोन्ही अपार्टमेंट 151 कोटी रुपयांना विकत घेतले होते.

या प्रकल्पातील दोन टॉवर ओएसिस रिअँलिटीतर्फे उभारण्यात येत आहेत. जो ओबेरॉय रिअँलिटी आणि सुधाकर शेट्टी यांच्या सहाना ग्रुपचा संयुक्त उपक्रम आहे. यापैकी एका टॉवरमध्ये रिज कार्लटन हॉटेलसह आलिशान निवासस्थाने असून त्याचे व्यवस्थापन कंपनी करणार आहे.

1001 कोटींचा बंगलाही घेतला विकत..

डी मार्टच्या दमाणी कुटुंबाने गेल्या काही वर्षांत अनेक मोठ्या मालमत्ताचे सौदे केले आहेत. 2021 मध्ये त्यांनी देशातील सर्वात मोठा जमीन व्यवहार केला होता. ज्यामध्ये राधाकिशन दमाणी आणि त्यांचा भाऊ गोपीकिशन दमानी यांनी दक्षिण मुंबईतील नारायण दाभोलकर रोडवर 1001 कोटी रुपयांना बंगला खरेदी केला होता. मलबार हिल परिसरातील हा बंगला दीड एकरात पसरला आहे. ज्यांचे बांधलेले क्षेत्रफळ 60 हजार चौरस फूट आहे. ग्राउंड प्लस वन स्टोरी असलेला हा बंगला एखाद्या हेरिटेज इमारतीसारखा दिसतो.