शेतीशिवार टीम, 18 जानेवारी 2022 : भारतीय नौदलाची युद्धनौका INS Ranveer रणवीरवर मुंबईत स्फोट झाला. या अपघातात नौदलाच्या तीन जवानांचा मृत्यू झाला असून अनेक जण जखमी झाल्याचे सांगण्यात येत आहे.
या घटनेबाबत भारतीय नौदलाच्या अधिकाऱ्याने सांगण्यात आलं की, आज नेव्हल डॉकयार्ड (Naval Dockyard Mumbai) मुंबई येथे एक दुर्दैवी घटना घडली आहे. INS रणवीरच्या अंतर्गत डब्यात झालेल्या स्फोटात नौदलाच्या 3 जवानांना प्राण गमवावे लागले आहे. जहाजाच्या कर्मचाऱ्यांनी तातडीने परिस्थिती नियंत्रणात आणली.
INS रणवीर (INS Ranveer) नोव्हेंबर 2021 पासून पूर्व नौदल कमांडकडून क्रॉस कोस्ट ऑपरेशनल तैनातीवर होते आणि लवकरच बेस पोर्टवर परत येणार होते. परंतु बेस पोर्टवर येण्या आधीच मोठा स्फोट झाल्याने हा अपघात घडला आहे. या प्रकरणाची चौकशी करण्याचे आदेश बोर्ड ऑफ इन्क्वायरीला देण्यात आले आहेत.
In an unfortunate incident today at Naval Dockyard Mumbai, 3 naval personnel lost their lives in an explosion in an internal compartment onboard INS Ranvir. Responding immediately, the ship's crew brought the situation under control. There is no major material damage. pic.twitter.com/c9wJUieCCj
— ANI (@ANI) January 18, 2022