पेन्शनधारकांनो लक्ष द्या ! 30 नोव्हेंबरपूर्वी हे 2 मिनिटांचं काम तातडीने पूर्ण करा, अन्यथा वर्षभर पेन्शन होणार बंद..

सरकारकडून पेन्शन घेणाऱ्यांसाठी एक महत्त्वाची बातमी आहे. जर तुम्हाला तुमची पेन्शन वेळेवर हवी असेल, तर तुम्ही 30 नोव्हेंबरपूर्वी एक महत्वाचे काम पूर्ण केले पाहिजे. जर तुम्ही असे केले नाही तर यानंतर तुमची पेन्शन येणे बंद होईल.

तसं पाहिलं तर, 60 वर्षे ते 80 वर्षे वयोगटातील प्रत्येक निवृत्तीवेतनधारकाला 1 नोव्हेंबर ते 30 नोव्हेंबर दरम्यान त्याचे जीवन प्रमाणपत्र किंवा लाइफ सर्टिफिकेट सादर करावे लागते, जे तुमच्या हयात असल्याचा पुरावा म्हणून पाहिले जाते की या आधारावर तुम्हाला पेन्शन मिळू शकते. 80 वर्षांच्या सुपर सीनियर पेन्शनधारकांसाठी 1 ऑक्टोबर ते 30 नोव्हेंबर दरम्यान हे प्रमाणपत्र सादर करण्यासाठी कालावधी दिला आहे.

३० नोव्हेंबरनंतरही जीवन प्रमाण सादर करता येईल का ?

जर तुम्ही तुमचे जीवन प्रमाणपत्र 30 नोव्हेंबरपर्यंत सादर केले नाही तर तुमची पेन्शन थांबवली जाऊ शकते, कारण त्याशिवाय तुमची पेन्शनची रक्कम सोडली जाणार नाही. परंतु त्यानंतर डायरेक्ट तुम्हाला पुढच्या वर्षी 31 ऑक्टोबरपूर्वी तुमचे प्रमाणपत्र सादर केल्यास, तुमची पेन्शन पुन्हा सुरू होईल, आणि अद्याप न मिळालेली शिल्लक रक्कमही तुमच्या खात्यात जमा होईल..

जीवन प्रमाणपत्र (Life Certificate) कसे सादर कराल ?

देशातील पेन्शनधारकांना त्यांचे जीवन प्रमाणपत्र 5 प्रकारे सादर करण्याची सुविधा मिळते. ते पेन्शनधारक जीवन प्रमाण पोर्टलद्वारे, फेस ऑथेंटिकेशनद्वारे, पोस्ट पेमेंट बँकेद्वारे, नियुक्त अधिकाऱ्याच्या स्वाक्षरीद्वारे आणि डोअर स्टेप बँकिंगद्वारे जमा करू शकतात..

1 ते 30 नोव्हेंबर 2023 दरम्यान देशभरातील 100 शहरांमध्ये 500 ठिकाणी देशव्यापी मोहीम राबविण्यात येत आहे. 17 पेन्शन वितरण बँका, मंत्रालये / विभाग, पेन्शनर्स वेलफेअर असोसिएशन, UIDAI आणि इलेक्ट्रॉनिक्स आणि माहिती तंत्रज्ञान मंत्रालय यामध्ये कार्यरत आहेत, तुम्ही त्यांच्या मदतीने तुमचे जीवन प्रमाणपत्र देखील सादर करू शकता..

घरी बसून जीवन प्रमाणपत्र कसे सादर करावे ?

तुम्ही तुमचे जीवन प्रमाणपत्र घरबसल्या आरामात फेस ऑथेंटिकेशन किंवा डोअरस्टेप बँकिंगद्वारे सबमिट करू शकता. त्याची प्रोसेस जाणून घेऊया..

स्टेप 1 – तुमच्या Android स्मार्टफोनवर 5MP किंवा त्याहून अधिक कॅमेरा असलेल्या ‘AadhaarFaceRD’ ‘Jeevan Praman Face App‘ डाउनलोड आणि Install करा.

स्टेप 2 – तुमचा आधार क्रमांक तुमच्याकडे ठेवा, जो तुम्ही पेन्शन वितरक प्राधिकरणाला दिला आहे..

स्टेप 3 – ऑपरेटर ऑथेंटिकेशन वर जा आणि फेस स्कॅन करा..

स्टेप 4 – तुमची डिटेल्स प्रविष्ट करा.

स्टेप 5 – फोनच्या फ्रंट कॅमेऱ्याने स्वतःचा फोटो घ्या आणि तो शेअर करा. यानंतर, तुमचे जीवन प्रमाणपत्र डाउनलोड करण्याची लिंक SMS द्वारे तुमच्या फोनवर येईल, जी तुम्ही डाउनलोड करून तुमच्याकडे ठेवू शकता..

डोअरस्टेप बँकिंगद्वारे जीवन प्रमाणपत्र कसे सादर करावे ?

स्टेप 1 – यासाठी, तुम्हाला प्रथम जीवन सन्मान केंद्र किंवा तुमच्या बँकेला बँकिंगसाठी भेट द्यावी लागेल.

स्टेप 2 – जेव्हा ऑपरेटर तुमच्या घरी येतो तेव्हा त्याला तुमचा आधार आणि मोबाईल नंबर द्या.

स्टेप 3 – तो बायोमेट्रिक डिव्हाईसने तुमचा आयडी व्हेरीफाई करेल.

स्टेप 4 – एकदा ऑथेंटिकेशन झाले की, ते तुमचे डिजिटल जीवन प्रमाणपत्र तयार करेल. तुम्ही तुमची प्रत ऑपरेटरकडून ठेवू शकता..