नाद करा पण शेतकऱ्याचा कुठं ! Amazon कडून शेतकऱ्याच्या पोराला खास संधी, वर्षाला देणार 67 लाख रु. पॅकेज
शेतीशिवार टीम, 19 जुलै 2021 :- कठोर परिश्रमाला पर्याय नाही आणि कठोर परिश्रम व्यर्थ जात नाहीत. जर तुम्ही कष्ट करत असाल तर शेवटी तुम्हाला त्याचा फायदा नक्कीच मिळेल. असाच प्रकार हरियाणाच्या सोनीपत येथील एका शेतकऱ्याच्या मुलाच्या बाबतीत घडला आहे. त्याने एक चांगली नोकरी मिळवण्यासाठी खूप मेहनत घेतली आणि तीही जगातील सर्वात मोठी कंपनी असलेल्या अ‍ॅमेझॉनमध्ये (amazon).
वर्षाला मिळतील 67 लाख रुपये :-
22 वर्षांच्या अवनीश छिकाराने होम ट्यूशन देऊन आपल्या बी टेकची फी भरली. पण आता तो अ‍ॅमेझॉनसाठी काम करेल आणि त्याला वर्षाला 67 लाख रुपये पगार मिळेल. अवनीश हा क्रावेरी खेड्यातील शेतकऱ्याचा मुलगा आहे आणि सोनीपतमधील मुरथळ येथील दीनबंधू छोटू राम विज्ञान व तंत्रज्ञान विद्यापीठाचा (DCRUST) विद्यार्थी आहे.
यश कसे मिळाले? :-
आज आपल्या दृढनिश्चयातून अवनीशने हे यश मिळवलेले आहे, ज्यामुळे त्याच्या पालकांना खरोखर अभिमान वाटला आहे. मीडियाशी बोलताना त्याने आपल्या कुटुंबाकडे असलेल्या मर्यादित स्त्रोतांमुळे निर्माण झालेल्या आव्हानांना सामोरे जातानाचा त्याने उल्लेख केला.
दिवसभरात 10 तास अभ्यास करायचा :-
एक काळ असा होता की अवनीशकडे विद्यापीठाची फी भरण्यासाठी पैसे नव्हते, परंतु त्याने कसे तरी मॅनेज केले. त्यासाठी त्याने होम ट्यूशन देऊन फी भरली. इंजिनीअरिंगच्या क्लासनंतर तो दिवसभरात 10 तास अभ्यास करत असे. परंतु आता त्याला त्याच्या मेहनतीचे फळ मिळाले.
इंटर्नशिपसाठी अर्ज केला होता :-
कोरोना महामारीच्या वेळी त्याने मासिक 2.40 लाखांच्या पगारावर अ‍ॅमेझॉन येथे इंटर्नशिपसाठी अर्ज केला होता. इंटर्नशिप दरम्यान केलेल्या कामामुळे प्रभावित होऊन अमेरिकन टेक कंपनीने त्याला वर्षाला 67 लाख रुपयांचे पॅकेज ऑफर केले. एक वर्षानंतर हे पॅकेज 1 कोटी रुपयांपर्यंत जाऊ शकते.
खूप कौतुक झाले :-
दीनबंधू छोटू राम विज्ञान व तंत्रज्ञान विद्यापीठाचे कुलगुरू प्रा. अनायत यांनी अवनीशचे कौतुक केले आणि सांगितले की, एका सर्वसामान्य पार्श्वभूमीच्या विद्यार्थ्याने आपल्या परिश्रमांच्या जोरावर हे यश मिळवले याचा मला अभिमान आहे. अन्य विद्यार्थ्यांनीही अवनीशकडून प्रेरणा घेऊन अधिकाधिक गोष्टींसाठी प्रयत्नशील रहावे अशी अपेक्षा त्यांनी व्यक्त केली. कमी संसाधनांनी मोठी कामगिरी करण्याची ही कथा इतरांनाही प्रेरणा देईल.
