15 हजार लोकांनी खरेदी केली ही Sedan कार ; जानेवारीत झाली रेकॉर्डब्रेक विक्री, किंमत 6.09 लाखांपासून सुरु…
शेतीशिवार टीम, 5 फेब्रुवारी 2022 : एसयूव्ही (SUV) आणि हॅचबॅकच्या (Hatchback) वाढत्या मागणीमुळे सेडानच्या (Sedan) मागणीत लक्षणीय घट झाली आहे. जानेवारी महिन्यात सेडानचा बाजारातील हिस्सा केवळ 10 टक्क्यांवर पोहचला आहे. परंतु अजूनही काही मॉडेल्स आहेत जे ग्राहकांनी खूप पसंत केले आहेत. तर जाणून घेऊयात जानेवारी 2022 मध्ये सर्वाधिक विकल्या जाणार्या सेडान कार्सबद्दल…
मारुती सुझुकी डिझायर (Maruti Suzuki Dzire) :-
मारुती सुझुकी डिझायर ही पुन्हा एकदा देशात सर्वाधिक विकली जाणारी सेडान (Sedan) ठरली आहे. कंपनीने या कारने तब्बल 14,976 युनिट्सची विक्री केली आहे, जी डिसेंबरच्या तुलनेत 4000 युनिट्सने जास्त आहे. दुसरीकडे, गेल्या वर्षी जानेवारीमध्ये, कंपनीने केवळ 15,125 युनिट्सची विक्री केली होती.
हे 1.2-लीटर पेट्रोल इंजिनद्वारे समर्थित आहे जो 89 bhp आणि 113 Nm पीक टॉर्क बनवते. त्याची स्टार्टींग किंमत 6.09 लाख रुपयांपासून सुरू होते आणि 9.13 लाख रुपये (Ex-showroom) पर्यंत जाते. या कार मध्ये 1197 चे इंजिन दिलं आहे. ही कार सहज तुम्हाला 25 किमी प्रति लीटर मायलेज देते.
होंडा अमेझ (Honda Amaze) :-
होंडाने नुकतेच या सब-कॉम्पॅक्ट सेडानचे फेसलिफ्ट मॉडेल लाँच केले. कंपनीसाठी हे सर्वात यशस्वी मॉडेलपैकी एक आहे. जानेवारीमध्ये सेडानच्या
5,395 युनिट्सची विक्री झाली आहे. परंतु जानेवारी 2021 मध्ये विकल्या गेलेल्या 5,477 युनिट्सपेक्षा हे थोडे कमी आहे.
हे 1.2-लीटर पेट्रोल (90PS/110Nm) आणि 1.5-लीटर डिझेल (100PS/200Nm) इंजिन ऑप्शनसह ऑफर केले जाते. त्याची किंमत 6.38 लाख रुपयांपासून सुरू होते आणि 11.21 लाख रुपये (Ex-showroom) पर्यंत जाते.
होंडा सिटी (Honda City) :-
कॉम्पॅक्ट सेडान Sedan रेंजमधील ही सर्वाधिक विकलं जाणारं मॉडेल आहे. फाईव्ह जनरेशन होंडा सिटी ही मारुती सुझुकी सियाझ आणि ह्युंदाई वेर्ना यांसारख्या वाहनांशी स्पर्धा करते.गेल्या महिन्यात या सेडानच्या 3,667 युनिट्सची विक्री झाली, जी जानेवारी 2021 च्या तुलनेत 8% कमी आहे.
यात 1.5 लिटर पेट्रोल (121PS/145Nm) आणि 1.5 लिटर डिझेल (100PS/200Nm) इंजिन ऑप्शन आहेत. सेडानची किंमत 11.23 लाख रुपयांपासून सुरू होते आणि 15.18 लाख रुपयांपर्यंत (Ex-showroom) जाते.
