Farmer Bonus : राज्यातील 5 लाख शेतकऱ्यांना हेक्टरी 15,000 रुपये बोनस, पण कोणते शेतकरी असणार पात्र ? कशी आहे नोंदणी प्रक्रिया,पहा..

मागील वर्षी शासनाने धानाला बोनस जाहीर केला नव्हता. यावर्षी हिवाळी अधिवेशनादरम्यान, शासनाने हेक्टरी 15 हजार रूपये बोनस जाहीर केला आहे. मात्र, सदर बोनस सरसकट देण्यात येणार आहे की, केवळ शासकीय धान खरेदी केंद्रावर धानाची विक्री करणाऱ्या शेतकऱ्यांना देण्यात येणार आहे, याबाबत जिल्ह्यातील शेतकऱ्यांमध्ये विविध चर्चेला उधाण आले आहे. यामुळे धानाचे बोनस नेमक्या कोणत्या शेतकऱ्यांना देण्यात येणार आहे, असा प्रश्न आता उपस्थित केला जात आहे.

शासनाने यावर्षी खरीप यावर्षी खरीप हंगामातील सर्वसाधारण धानाला 2040 रूपये दर जाहीर केला आहे. तर खुल्या बाजारात उच्च प्रतिच्या धानाला 2200 ते 2300 रूपये दर दिला जात आहे. यामुळे शासकीय धान खरेदी केंद्रावर सर्वसाधारण धानाची विक्री शेतकरी दिसून येत आहे.

असे असले तरी शासकीय धान खरेदी केंद्रावर धानाची विक्री करण्यासाठी नोंदणी करण्याची प्रक्रिया किचकट असल्यामुळे यावर्षी अनेक शेतकऱ्यांनी विक्रीसाठी नोंदणीच धान केली नाही. यातच हिवाळी अधिवेशनादरम्यान शासनाने धानाला हेक्टरी 15 हजार रूपये बोनस (सरासरी 500 रूपये) जाहीर केल्याने शेतकऱ्यांची धावपळ सुरू झाली होती.

मात्र, धानाला बोनस जाहीर झाल्याच्या दिवसीच शासकीय धान खरेदी केंद्रावर धानाची विक्री करण्यासाठी नोंदणीची मुदत संपली होती. त्यामुळे बोनस जाहीर केल्यानंतर परत नोंदणी करण्यासाठी वाढ दिली. मात्र, नोंदणीसाठी शेतकऱ्यांचा फोटो घेण्याची पद्धती असल्यामुळे अनेकांना मुदत नोंदणी करता आली नाही.

असे असले तरी बोनस आम्हालाही मिळणार, विश्वास असा अनेक शेतकऱ्यांना आहे. तर काही शेतकरी शासकीय धान खरेदी केंद्रांवर विक्री करणाऱ्या शेतकऱ्यांनाच बोनस ऑनलाईन टाकण्यात येणार असल्याचे सांगत आहे.

यामुळे नेमका बोनस कोणत्या शेतकऱ्यांना देण्यात येणार आहे की सरसकट सर्वांनाच देण्यात येणार आहे ? असा प्रश्न उपस्थित केला जात आहे.

बोनसचा लाभ राज्यातील 5 लाख शेतकऱ्यांना मिळणार असल्याचे राज्य शासनाने जाहीर केला आहे. राज्यात केवळ धान उत्पादक शेतकऱ्यांची संख्या 5 लाखच आहे काय ? असाही प्रश्न उपस्थित होत आहे. जर शासनाने 5 लाख शेतकऱ्यांना बोनसचा लाभ मिळणार असल्याचे जाहीर केले असल्याने शासकीय खरेदी केंद्रावर धानाची विकी करण्यासाठी नोंदणी केलेल्याच शेतकऱ्यांना बोनसचा लाभ मिळणार असल्याचेही बोलल्या जात आहे.