18 महिने थांबला अन् आता 16 महिन्यांपासून केंद्रीय कर्मचाऱ्यांना महागाई भत्त्याची देयके मिळाली नाहीत. अनेकवेळा आंदोलने, अनेक पत्रे सरकारपर्यंत पोहोचली आहेत. पण हात रिकामे आहेत. गेल्या दीड वर्षात महागाई भत्त्यात तीनदा वाढ करण्यात आली आहे. मात्र पैसे अजून मिळालेले नाही.
आता कर्मचाऱ्यांच्या आशा पल्लवित झाल्या आहेत. कॅबिनेट सचिवांसोबतच्या बैठकीत या अजेंड्यावर चर्चा होणार आहे. अधिकाऱ्यांनी सांगितलं की, सरकार व्याजाशिवाय थकबाकी खात्यावर जमा करणार आहे. परंतु, यासाठी 3 हप्त्यांमध्ये पैसे दिले जाणार आहे.
पुढच्या वर्षी मिळणार गिफ्ट..
केंद्रीय कर्मचाऱ्यांची प्रतीक्षा संपली आहे. पुढील वर्षाच्या सुरुवातीला, त्याला 18 महिन्यांसाठी महागाई भत्त्याचे तीन हप्ते दिले जाणार आहे. चांगली बातमी म्हणजे महागाई भत्त्याच्या थकबाकीबाबत बैठक होणार आहे. या बैठकीत 2020 पासून बंद करण्यात आलेला महागाई भत्ता आता देण्यात यावा यावर सहमती होऊ शकते.
सरकारने 2021 मध्ये एकाच वेळी डीएमध्ये 11% वाढ केली होती. परंतु, त्यापूर्वी जानेवारी 2020, जुलै 2020, जानेवारी 2021 चे तीन हप्ते मिळाले नाहीत. कर्मचाऱ्यांच्या मागण्या मांडल्या, आंदोलनेही केली पण सगळे निष्प्रभ राहिलं. सरकारनेही ते देण्यास साफ नकार दिला. आता पुन्हा एकदा आशा निर्माण झाली आहे. कर्मचारी आणि पेन्शनर्स युनियनचे प्रतिनिधी कॅबिनेट सचिवांच्या बैठकीत थकबाकी निकाली काढण्याचा प्रयत्न करणार आहे.
3 हप्त्यांमध्ये मिळणार DA Arrear चा पैसा
ज्या 3 हप्त्यांसाठी पैसे थकित आहेत ते त्याच क्रमाने सोडले जाऊ शकतात. म्हणजे सरकारने मान्य केलं तर हे पैसे तीन हप्त्यात देता येतील. केंद्रीय कर्मचाऱ्यांकडे जानेवारी 2020 ते जून 2021 दरम्यान तीन हप्त्यांची (DA थकबाकी) थकबाकी आहे. हे प्रमाण 11% आहे. कोरोना महामारीमुळे सरकारने गोठवलेल्या डीएवरील बंदी उठवली होती.
परंतु, जुलै 2021 नंतर केवळ वाढीव महागाई भत्ता देण्यात आला. 18 महिने गोठवलेले पैसे मिळाले नाहीत. अर्थ मंत्रालयाने या प्रकरणी एवढेच सांगितले की, महागाई भत्ता गोठवला आहे, मात्र, हा कर्मचाऱ्यांचा अधिकार आहे, तो गोठवला जाऊ शकतो पण थांबवता येणार नाही, असे सांगत सर्वोच्च न्यायालयाने सरकारला विचार करण्यास सांगितले होते. हा त्यांचा हक्क आहे, त्यांचे पैसे रोखू नयेत, अशी मागणी केंद्रीय कर्मचाऱ्यांची सतत होत असते. थकबाकी भत्त्याच्या मागणीबाबत कर्मचाऱ्यांनी न्यायालयात दादही मागितली होती.
पे – लेव्हलनुसार मिळेल ?
जेसीएम (स्टाफ साइड) च्या राष्ट्रीय परिषदेच्या शिव गोपाल मिश्रा यांनी सांगितलं की, वेगवेगळ्या पे – लेव्हलवरील कर्मचाऱ्यांचे पेमेंट वेगळे असेल. परंतु, लेव्हल-3 मधील कर्मचाऱ्यांची डीए थकबाकी रुपये 11,880 ते 37,554 रुपये असू शकते. तसेच, लेव्हल-13 (बेसिक पे-स्केल रु. 1,23,100 ते रु. 2,15,900) किंवा लेव्हल-14 साठी कर्मचार्‍यांची थकबाकी रु. 1,44,200 ते रु. 2,18,200 दरम्यान असू शकते. मात्र, सरकारशी वाटाघाटी करूनही तोडगा निघू शकतो. मग हा आकडा बदलू शकतो.
3 हप्त्यांमध्ये मिळणार 11,880 रुपये
केंद्रीय कर्मचार्‍यांच्या वेतन मॅट्रिक्सनुसार, किमान वेतन 18,000 रुपये आहे, त्यांना 11,880 रुपये थकबाकी (4320+3240+4320 रुपये) मिळतील. यामध्ये, 18000 ते 56900 या लेव्हल-1 बेसिक वेतनश्रेणीनुसार, केंद्रीय कर्मचारीसाठी किमान ग्रेड वेतनासह पहिला हप्ता जानेवारी ते जुलै 2020 साठी 4320 रुपये असेल. तर, जुलै ते डिसेंबर 2020 पर्यंत, डीए थकबाकी रुपये 3,240 असेल. तर, जर तुम्ही जानेवारी ते जुलै 2021 मधील डीए थकबाकीची गणना केली तर ते 4,320 रुपये होईल.