Health Tips : हिवाळ्यात मूठभर शेंगदाणे रोज खा ; ‘हे’ 5 फायदे वाचा, मधुमेहींसाठी तर वरदानचं…

शेतीशिवार टीम, 21 डिसेंबर 2021 :- या थंडीच्या ऋतूमध्ये खाण्या-पिण्यासाठी अनेक गोष्टी उपलब्ध असतात. यातील काही गोष्टी आरोग्यासाठी अतिशय फायदेशीर मानल्या जात असल्या तरी दिसायला अगदी सामान्य असतात. शेंगदाणे हा असाच एक खाद्यपदार्थ आहे, ज्याचे सेवन हिवाळ्यात आरोग्यासाठी खूप फायदेशीर ठरू शकत.

देशाच्या काही भागांमध्ये याला ‘बदाम’ सुद्धा म्हणतात, खरं तर त्यात असलेले गुणधर्म तुम्हाला बदामाप्रमाणेच पौष्टिक असतात. शेंगदाणे खाणे आरोग्यासाठी अनेक पटीने उपयुक्त मानले जाते, वजन कमी करणे, चांगले पचन, चांगले आरोग्य आणि व्हिटॅमिन-डी यांचा समावेश आहे.

आहारतज्ञांच्या मते, शेंगदाण्याचे सेवन केल्याने तुम्हाला प्रोटिन्स,व्हिटॅमिन्स, मिनरल्स आणि हेल्दी फॅट मिळतं.यामध्ये फायबरचे प्रमाणही चांगले असते, त्यामुळे त्याचे सेवन करणे पोटासाठीही फायदेशीर असतं. हे भूक नियंत्रित करते आणि आपल्याला दीर्घ काल पोट भरल्यासारखे वाटतं. चला जाणून घेऊया शेंगदाणे खाण्याचे आरोग्यदायी फायदे.

पाचक आरोग्यासाठी चांगले :-

शेंगदाण्यामध्ये फायबरचे प्रमाण जास्त असते, जे पचनक्रिया चांगले ठेवण्यास मदत करते. शेंगदाणे विशेषतः बद्धकोष्ठता टाळण्यासाठी आणि आतड्यांमधील ‘मायक्रोबायोम’ सुधारण्यासाठी फायदेशीर ठरतं. याशिवाय, शेंगदाण्याचे सेवन शरीरातील जळजळ कमी करण्यासाठी देखील उपयुक्त आहे, ज्यामुळे जुनाट आजारांचा धोका कमी होतो.

हृदयाच्या आरोग्यासाठी फायदेशीर :-

हृदयविकाराचा धोका कमी करण्यासाठीही शेंगदाणे खाणे फायदेशीर ठरू शकते, असे आरोग्य तज्ज्ञांचे म्हणणे आहे. शेंगदाण्यामध्ये हेल्दी फॅट, मॅग्नेशियम, अँटिऑक्सिडंट्स, कॉपर आणि इतर आवश्यक पोषक घटक असतात

जे रक्तवाहिन्यांना निरोगी ठेवण्यास मदत करतात, ज्यामुळे हृदयावरील ताण कमी होतो. हृदयविकाराचा धोका कमी करण्यासाठी शेंगदाणे खाणे खूप फायदेशीर आहे .

मधुमेह कमी करण्यासाठी उपयुक्त :-

मधुमेहाच्या रुग्णांना कमी ‘ग्लायसेमिक इंडेक्स’ असलेले पदार्थ खाण्याचा सल्ला दिला जातो. ग्लायसेमिक इंडेक्स हा रक्तप्रवाहात खाद्यपदार्थांचे विघटन होण्याचा दर आहे. शेंगदाण्यांमध्ये ग्लायसेमिक इंडेक्स कमी असतो, त्यामुळे ते रक्तातील साखरेची पातळी वाढवू देत नाहीत. आरोग्य तज्ज्ञांच्या मते, 55 पेक्षा कमी ग्लायसेमिक इंडेक्स असलेले पदार्थ मधुमेहींसाठी फायदेशीर ठरूत, शेंगदाण्यांचा ग्लायसेमिक इंडेक्स 13 असतो.