7th Pay Commission : केंद्रीय कर्मचाऱ्यांसाठी मोठी बातमी, भविष्य निर्वाह निधीचे नियम बदलले; शासन परिपत्रक जारी, पहा

By shetishivar Last updated Nov 4, 2022

7 वा वेतन आयोग जनरल प्रॉव्हिडंट फंड : केंद्रीय कर्मचाऱ्यांसाठी एक महत्वपूर्ण बातमी आली आहे. कर्मचाऱ्यांच्यासेवानिवृत्ती निधीशी संबंधित एका नियमात सरकारने मोठा बदल केला आहे. DoPPW च्या ऑफिस मेमोरँडमनुसार, सरकारने जनरल प्रॉव्हिडंट फंडच्या नियमांमध्ये मोठा बदल केला आहे. तुम्ही किंवा तुमच्या घरात कोणी सरकारी कर्मचारी असाल तर तुम्हाला हे बदल माहित असणे आवश्यक आहे. नवीन नियमांनुसार, आता जीपीएफमधील (GPF) गुंतवणुकीची मर्यादा निश्चित करण्यात आली आहे.

आता कमाल मर्यादा 5 लाख रुपये केली निश्चित

केंद्र सरकारने जनरल प्रॉव्हिडंट फंड (GPF) च्या गुंतवणुकीवर कमाल मर्यादा घातली आहे. नव्या नियमानुसार, आता कोणताही सरकारी कर्मचारी केवळ 5 लाख रुपयांपर्यंतच जीपीएफमध्ये जमा करू शकणार आहे. ही मर्यादा एका आर्थिक वर्षासाठी असणार आहे. सरकारी क्षेत्रातील कर्मचारी GPF मध्ये गुंतवणूक करतात. ही एक प्रकारची स्वयंसेवी योजना आहे, जी PPF प्रमाणे काम करते. यामध्ये गुंतवणुकीवर 7.1% व्याज (GPF व्याजदर) मिळत आहे.

आत्तापर्यंत नव्हती मर्यादा

पेन्शन आणि पेन्शनर्स वेलफेअर (DoPPW) विभागाच्या कार्यालयीन ज्ञापनानुसार, GPF (केंद्रीय सेवा) नियम 1960 अंतर्गत, खातेदाराचे GPF योगदान एकूण पगाराच्या 6% पेक्षा कमी नसावे. आतापर्यंत जीपीएफमध्ये पैसे टाकण्याची मर्यादा नव्हती. त्यात कर्मचारी त्यांच्या पगाराच्या काही टक्के रक्कम जमा करू शकत होते. पण सरकारने आता एका आर्थिक वर्षात कमाल 5 लाख रुपयांची मर्यादा घातली आहे.

PPF प्रमाणे सरकारी कर्मचाऱ्यांसाठी GPF

PPF प्रमाणे, सरकारी कर्मचारी त्यांच्या पगाराचा एक निश्चित भाग सामान्य भविष्य निर्वाह निधीमध्ये (PPF) जमा करू शकतात. हे पैसे निवृत्तीच्या वेळी खातेदाराला परत केले जातात. GPF मध्ये जमा केलेल्या पैशावर व्याज मिळते. हे पेन्शनर्स वेलफेअर, कार्मिक मंत्रालय, सार्वजनिक तक्रार आणि निवृत्ती वेतन विभागांतर्गत मॅनेज केले जाते.

GPF म्हणजे काय ?

सामान्य भविष्य निर्वाह निधी (GPF) खाते फक्त सरकारी कर्मचाऱ्यांसाठी आहे. ही एक प्रकारची सेवानिवृत्ती निधी योजना आहे. सरकारी कर्मचारी त्यांच्या पगाराच्या 15% GPF खात्यात योगदान देऊ शकतात. या खात्याचे ‘अ‍ॅडव्हान्स’ वैशिष्ट्य सर्वात खास आहे. यामध्ये कर्मचारी गरज पडल्यास जीपीएफ खात्यातून निश्चित रक्कम काढू शकतो आणि नंतर जमा करू शकतो. यावर कोणताही कर नाही.

सरकारने GPF चा व्याजदर 7.1% निश्चित केला आहे. व्याजाचे कॅल्क्युलेशन तिमाही आधारावर केली जाते. सरकार आपल्या वतीने जीपीएफमध्ये योगदान देत नसते, फक्त कर्मचाऱ्यांचे योगदान आहे.