होम, गोल्ड, कार लोन घ्यायचंय का?, ‘या’ बँकेने आणलीये जबरदस्त ऑफर, घ्या जाणून…

शेतीशिवार, 09 ऑगस्ट 2021 :- अलीकडेच, ऑगस्ट महिन्यासाठी, देशातील सर्वात मोठी बँक स्टेट बँक ऑफ इंडिया (SBI) ने गृह कर्जावरील प्रक्रिया शुल्क (Processing fees) माफ करण्याची घोषणा केली होती. एसबीआयनंतर आता सार्वजनिक क्षेत्रातील आणखी एका बँकेने अशीच ऑफर जाहीर केली आहे. बँक ऑफ महाराष्ट्रने आपल्या किरकोळ ग्राहकांसाठी विविध ऑफर्स जाहीर केल्या आहेत, ज्या 30 सप्टेंबर 2021 पर्यंत वैध (Valid) असतील. यामध्ये सोने, गृह आणि कार कर्जासाठी प्रक्रिया शुल्क माफ करणे समाविष्ट आहे. बँक ऑफ महाराष्ट्रच्या वतीने असे म्हटले आहे की बँक गृहकर्ज आणि कार कर्जाचे व्याजदर अनुक्रमे 6.90 टक्के आणि 7.30 टक्के पासून सुरू करत आहे.

20 लाख रुपयांपर्यंत गोल्ड लोन :-
किरकोळ कर्ज उत्पादने (Retail Loan Products) अनेक वैशिष्ट्यांबरोबर येतात जसे गृह कर्जामध्ये नियमित परतफेडीवर दोन मोफत ईएमआय, कार आणि गृह कर्जामध्ये 90% पर्यंत कर्जाची सुविधा, प्रीपेमेंट किंवा प्री-क्लोजर किंवा आंशिक पेमेंट शुल्क (part payment fee) नाही. बँकेने सांगितले की आपली सुवर्ण कर्ज योजना सुधारली आहे आणि आता 7.10 टक्के व्याज दराने 20 लाख रुपयांपर्यंत कर्ज देऊ करत आहे.

गोल्ड लोन वर प्रोसेसिंग फी माफ :-
बँक ऑफ महाराष्ट्रने गोल्ड लोनवरील प्रोसेसिंग फी माफ करण्याची घोषणा केली आहे. परंतु केवळ 1 लाख रुपयांपर्यंतच्या गोल्ड लोनला प्रक्रिया शुल्कापासून सूट दिली जाईल. बँकेच्या या ऑफरचे नाव आहे रिटेल बोनान्ज़ा-मानसून धमाका. या ऑफरमध्ये बँकेचे ग्राहक कमी व्याज दर आणि प्रोसेसिंग शुल्कावरील सूटचा लाभ घेऊ शकतात.

एसबीआयची ऑफर :-
एसबीआय बँकेने 31 ऑगस्टपर्यंत गृहकर्जावरील प्रक्रिया शुल्क माफ केले आहे. एसबीआयच्या गृहकर्जावर 100% प्रक्रिया शुल्क माफी मान्सून धमाका ऑफर अंतर्गत सादर करण्यात आली आहे. SBI चे प्रोसेसिंग फी 0.40 टक्के आहे. एसबीआयची ही ऑफर केवळ 31 ऑगस्ट 2021 पर्यंतच असेल. एसबीआय गृहकर्जाचे व्याज दर 6.70 टक्क्यांपासून सुरू होते.

योनो ॲपद्वारे अर्ज केल्यावर अतिरिक्त लाभ :-
एसबीआयच्या वन स्टॉप योनो ॲपद्वारे अर्ज केल्यास ग्राहकाला 5 बीपीएस (0.05 टक्के) ची अतिरिक्त सवलत दिली जाईल. महिला कर्जदार देखील कर्जाच्या व्याज दरावर 0.05 टक्के (5 बेसिस पॉईंट/बीपीएस) अतिरिक्त सूट मिळण्यास पात्र आहेत. एसबीआयच्या होम लोन पोर्टफोलिओने 5 लाख कोटींचा टप्पा पार केला आहे. स्टेट बँक ऑफ इंडियाचा दावा आहे की ती संपूर्ण बँकिंग प्रणालीमध्ये सर्वात स्वस्त गृहकर्ज देत आहे आणि हेच कारण आहे की एसबीआयकडे 5 लाख कोटींचे होम लोन बुक आहे.

काय आहे बँक योजना :-
एसबीआय एमडीच्या मते, आमच्या संभाव्य गृहकर्ज ग्राहकांसाठी मान्सून धमाका ऑफरची घोषणा करताना आम्हाला आनंद होत आहे. आमचा विश्वास आहे की प्रक्रिया शुल्क माफ करण्याची ही ऑफर घर खरेदीदारांना नितळ निर्णय घेण्यास प्रोत्साहित करेल कारण व्याज दर देखील ऐतिहासिकदृष्ट्या निम्न पातळीवर आहेत.