Blue Wheat : निळ्या गव्हाने चमकणार शेतकऱ्यांचं नशीब..! ‘या’ राज्यात लागवडीला झाली सुरुवात, जाणून घ्या खासियत..

सध्या देशभरात G-20 देशांच्या कृषी गटाच्या बैठका सुरु आहेत. ज्यामध्ये 30 देशांचे प्रतिनिधी सहभागी झाले असून हेरिटेज वॉकमध्ये पाहुण्यांनी आमच्या समृद्ध सांस्कृतिक वारशाचे कौतुक केलं आहे. मध्य प्रदेशात कृषी क्षेत्रात नावीन्यपूर्ण युग सुरू आहे. याच क्रमाने निळ्या गव्हाचे उत्पादनही सुरू झालं आहे. हा गहू बेकरी व्यवसायात वापरला जातो. या गव्हाला जगातील इतर देशांमध्येही मोठी मागणी आहे. G-20 देशांच्या कृषी गटाची बैठक इंदूरमध्ये सुरू आहे

निळ्या गव्हाचे फायदे..

निळ्या गव्हाची ही विविधता केवळ रंगात भिन्न नाही. त्यापेक्षा ते सामान्य गव्हाच्या तुलनेत अनेक पटींनी अधिक पौष्टिक आणि आरोग्यासाठी फायदेशीर आहे. निळा गहू रक्तातील साखरेची पातळी, कोलेस्ट्रॉलची पातळी आणि शरीरातील चरबीची पातळी कमी करण्यासाठी उपयुक्त आहे. निळ्या गव्हाच्या रोट्या, ब्रेड आणि बिस्किटे देखील निळ्या रंगाची असतात, जी आपल्या आरोग्यासाठी खूप चांगली मानली जाते.

शुगर – फ्री बटाटा शेती..

G20 कृषी गटाची बैठक मध्य प्रदेशातील व्यापारी शहर इंदूर (G-20 Meet Indore) येथे सुरू आहे. या बैठकीत सहभागी होण्यासाठी आलेल्या प्रतिनिधींनी राज्याच्या कृषी क्षेत्रात सुरू असलेल्या नावीन्यपूर्ण उपक्रमांबाबत दाखविलेल्या स्वारस्याचा उल्लेख करून मुख्यमंत्री शिवराजसिंह चौहान म्हणाले की, जी-20 कृषी गटाच्या बैठकीत विविध देशांतील प्रतिनिधींनी कृषी क्षेत्रात प्रचंड रस दाखवला. राज्यात ब्लू व्हीट, शुगर फ्री बटाटा आणि सीड बँक या नावीन्यपूर्ण उपक्रमांनी लक्ष वेधून घेतलं आहे.

देशात गहू निर्यातीत मध्यप्रदेश आघाडीवर..

मुख्यमंत्री चौहान म्हणाले की, गहू निर्यातीत मध्य प्रदेश संपूर्ण देशात पहिला आहे. यासोबतच काळ्या गव्हाच्या निर्यातीनंतर आता राज्यात निळ्या रंगाच्या गव्हाचे उत्पादनही सुरू झालं आहे. आता लवकरच देशातल्या हवामानयुक्त राज्यांत निळ्या गव्हाचीही शेती करणार असल्याचं G-20 बैठकीत ठरलं आहे. बेकरी उत्पादनांमध्ये वापरल्या जाणाऱ्या निळ्या गव्हाची मागणी इतर देशांतूनही येत आहे, त्याचे पेटंटही घेण्यात आले आहे.

सिमरौलच्या निशा पाटीदार यांनी खास प्रकारच्या शुगर फ्री बटाट्याचे उत्पादन सुरू केलं आहे. नामशेष होत चाललेल्या बाजरीची सीड बँक विकसित करणाऱ्या दिंडोरीतील लहरीबाईंनीही जी-20 परिषदेत आपला स्टॉल लावला आहे. श्री ऐनची ही सीड बँक देश-विदेशातील प्रतिनिधींसाठी आकर्षणाचे केंद्र बनली आहे. राज्यात कृषी क्षेत्रात नवनवीन प्रयोग सुरू आहेत, त्यातही विक्रम करणार आहोत.