केंद्रीय कर्मचाऱ्यांना मिळणार सर्वात मोठं गिफ्ट, 3.68 पट Fitment Factor वाढल्याने पगारात ‘इतकी’ होणार वाढ; पण कधी होणार घोषणा ?

केंद्र सरकारच्या कर्मचाऱ्यांना आतापर्यंतची सर्वात मोठे गिफ्ट मिळण्याची शक्यता आहे. महागाई भत्ता,HRA, TA प्रमोशननंतर त्यांना फिटमेंट फॅक्टरच्या बाबतीतही चांगली बातमी मिळणार आहे.

केंद्रीय कर्मचाऱ्यांच्या पगारात थेट 8000 रुपयांची वाढ होऊ शकते. 8000 रुपयांची ही वाढ त्याच्या मूळ वेतनात असेल. म्हणजे फिटमेंट फॅक्टर वाढला तर त्यांचे बेसिक वेतन मजबूत होईल. आतापर्यंत केंद्रीय कर्मचाऱ्यांचे किमान वेतन 18 हजार रुपये आहे. सूत्रांनी दिलेल्या माहितीनुसार, केंद्रीय आणि राज्य कर्मचाऱ्यांच्या फिटमेंट फॅक्टरमध्ये पुढील वर्षी वाढ होऊ शकते.

2023 च्या अर्थसंकल्पात मिळणार गुड न्यूज

केंद्र आणि राज्य कर्मचार्‍यांची दीर्घकाळापासून मागणी आहे की त्यांचा फिटमेंट फॅक्टर 2.57 टक्क्यांवरून 3.68 टक्क्यांपर्यंत वाढवावा. सूत्रांनी दिलेल्या माहितीनुसार, 1 फेब्रुवारी 2023 रोजी सादर होणाऱ्या अर्थसंकल्पानंतर सरकार केंद्रीय कर्मचाऱ्यांच्या या मागणीवर विचार करू शकते.

केंद्रीय कर्मचाऱ्यांचे फिटमेंट फॅक्टर वाढवण्याची मागणी करणारे पत्र कॅबिनेट सचिवांना लिहिले आहे. नवीन वेतन आयोगाच्या शिफारशी लागू होण्यापूर्वी फिटमेंट फॅक्टर वाढवावा, अशी युनियनची इच्छा आहे, यामुळे कर्मचार्‍यांना मोठा आधार मिळू शकेल.

मूळ वेतन होणार 26,000?

फिटमेंट फॅक्टर वाढल्याने मूळ पगारात वाढ होऊ शकते. कर्मचाऱ्यांना सध्या 2.57 च्या फिटमेंट फॅक्टरच्या आधारे वेतन मिळत आहे. ते 3.68 पट वाढवण्याची मागणी आहे, ज्याचा सरकार विचार करू शकते. असे झाल्यास कर्मचाऱ्यांच्या किमान वेतनात 8 हजार रुपयांची वाढ होणार आहे. आत्तापर्यंत 18,000 रुपये हे किमान वेतन होते, फिटमेंट फॅक्टर वाढल्यामुळे ते 26,000 रुपये होईल. सततच्या आंदोलनामुळे कर्मचाऱ्यांच्या फिटमेंट फॅक्टरचा विचार करण्यासाठी सरकारवर दबाव आहे.

कॅबिनेट सचिवांशी बैठक

कर्मचाऱ्यांच्या मागण्यांकडे सरकार दुर्लक्ष करत नसल्याचे कर्मचारी संघटनेचे म्हणणे आहे. त्याउलट पर्याय शोधला जात आहे. कर्मचारी संघटनेने यापूर्वीच कॅबिनेट सचिवांची भेट घेतली आहे. बैठकीत त्यांना आश्वासनही मिळाले. काही खात्रीलायक सूत्रानुसार सरकार फिटमेंट फॅक्टरच्या फाइलसह पुढे जाऊ शकते आणि 2023 च्या अर्थसंकल्पानंतर, त्यावर विचार देखील केला जाऊ शकतो आणि अनुक्रमिक पद्धतीने त्याची अंमलबजावणी केली जाऊ शकते.