आता कष्टकऱ्यांनाही मिळणार पेन्शन ! ‘या’ सरकारी योजनेत रोज फक्त 2 रु. भरा, अन् महिन्याला मिळवा 3600 रु. पेन्शन !
शेतीशिवार टीम, 9 फेब्रुवारी 2022 :- PM Shram Yogi Man Dhan Yojana : केंद्र सरकारने आता कष्टकऱ्या मजुरांना पेन्शनही देणार आहे. प्रधानमंत्री श्रम योगी मानधन योजना (PM Shram Yogi Man Dhan Yojna) ही असंघटित क्षेत्रातील कामगारांसाठी एक उत्तम योजना आहे. या अंतर्गत रस्त्यावरील विक्रेते, रिक्षाचालक, बांधकाम कामगार आणि असंघटित क्षेत्राशी संबंधित लोकांना त्यांचे वृद्धापकाळ सुरक्षित करण्यासाठी मदत केली जाईल. या योजनेंतर्गत मजुरांना पेन्शनची हमी सरकार देतं. या योजनेत दररोज फक्त 2 रुपये वाचवून तुम्हाला वार्षिक 36,000 रुपये पेन्शन मिळू शकते.
दरमहा फक्त 55 रुपये जमा करावे लागतील :-
ही योजना सुरू केल्यावर तुम्हाला दरमहा 55 रुपये जमा करावे लागतील. म्हणजेच, 18 व्या वर्षी दररोज सुमारे 2 रुपये वाचवून, तुम्हाला वार्षिक 36,000 रुपये पेन्शन मिळते. जर एखाद्या व्यक्तीने वयाच्या 40 व्या वर्षापासून ही योजना सुरू केली तर त्याला दरमहा 200 रुपये जमा करावे लागतील. तुम्हाला वयाच्या 60 वर्षानंतर पेन्शन मिळू लागेल. 60 वर्षांनंतर तुम्हाला दरमहा 3000 रुपये म्हणजेच वर्षाला 36000 रुपये पेन्शन मिळेल.
ही आवश्यक कागदपत्रे आहेत :-
या योजनेचा लाभ घेण्यासाठी तुमच्याकडे बचत बँक खाते आणि आधार कार्ड असणे आवश्यक आहे. व्यक्तीचे वय 18 वर्षांपेक्षा कमी आणि 40 वर्षांपेक्षा जास्त नसावे.
नेमक कुठे करायचं हे रजिस्ट्रेशन :-
यासाठी तुम्हाला कॉमन सर्व्हिस सेंटर(CSC) मध्ये जाऊन या वेबसाईटवरून https://maandhan.in/shramyogi अर्ज करावा लागेल.
कामगार (CSC) केंद्रात पोर्टलवर स्वतःची नोंदणी करू शकतात.
या योजनेसाठी सरकारने वेब पोर्टलही तयार केले आहे.
या केंद्रांद्वारे ऑनलाइन सर्व माहिती भारत सरकारकडे जाईल.
ही माहिती देणे आवश्यक आहे :-
नोंदणीसाठी, तुम्हाला तुमचे आधार कार्ड, बचत किंवा जन-धन बँक खाते पासबुक, मोबाइल नंबर आवश्यक असेल. याशिवाय, संमतीपत्र द्यावे लागेल जे कामगाराचे बँक खाते असलेल्या बँकेच्या शाखेत देखील द्यावे लागेल, जेणेकरून त्याच्या बँक खात्यातून पेन्शनसाठी वेळेत पैसे कापता येतील.
योजनेचा लाभ कोण घेऊ शकतो ?
प्रधानमंत्री श्रम योगी मानधन पेन्शन योजने (PM Shram Yogi Man Dhan Yojna) अंतर्गत, कोणताही असंघटित क्षेत्रातील कामगार, ज्यांचे वय 40 वर्षांपेक्षा कमी आहे आणि कोणत्याही सरकारी योजनेचा लाभ घेत नाही, तो लाभ घेऊ शकतो.खरं तर या योजनेसाठी अर्ज करणाऱ्या व्यक्तीचे मासिक उत्पन्न 15 हजार रुपयांपेक्षा कमी असावे.
टोल फ्री क्रमांकावरून माहिती मिळवा :-
या योजनेसाठी कामगार विभाग, LIC, EPFOचे कार्यालय सरकारने श्रमिक सुविधा केंद्र बनवले आहे. येथे जाऊन कामगारांना योजनेची माहिती मिळू शकते. या योजनेसाठी सरकारने18002676888 हा टोल फ्री क्रमांक जारी केला आहे. या क्रमांकावर कॉल करूनही तुम्ही योजनेची माहिती मिळवू शकता.
