💥 बेटी बचाओ बेटी पढाओ योजना : 2022 💥

शेतीशिवार टीम, 23 फेब्रुवारी 2022 : केंद्र सरकारने आपल्या देशातील मुलींना स्वावलंबी आणि सशक्त बनवण्यासाठी, मुलींचे भविष्य उज्ज्वल करण्यासाठी, त्यांना वाचवण्यासाठी, त्यांना चांगले शिक्षण देण्यासाठी विविध योजना राबवत आहे.

अशीच एक योजना म्हणजे बेटी बचाओ बेटी पढाओ (Beti Bachao Beti Patao). ही योजना 22 जानेवारी 2015 रोजी पानिपत, हरियाणातून सुरू करण्यात आली होती, ती मुलींसाठी चालवली जात आहे.या योजनेंतर्गत, पालकांना त्यांच्या मुलीचे खाते राष्ट्रीय बँकेत किंवा पोस्ट ऑफिसमध्ये उघडावे लागेल, जर तुम्हालाही या योजनेसाठी अर्ज करायचा असेल आणि लाभ मिळवायचा असेल, तर त्यासाठी तुम्हाला wcd.nic.in या योजनेच्या अधिकृत वेबसाइटला भेट द्यावी लागणार आहे.

आज आम्ही तुम्हाला योजनेशी संबंधित माहिती सांगणार आहोत जसे की : बेटी बचाओ बेटी पढाओ योजनेसाठी अर्ज कसा करावा, (BBBP scheme 2022) मधून मिळणारे फायदे, बेटी बचाओ बेटी पढाओ योजनेचा उद्देश, पात्रता, आवश्यक कागदपत्रे इ. माहिती जाणून घेण्यासाठी, हा लेख शेवटपर्यंत नक्की वाचा…

बेटी बचाओ बेटी पढाओ योजना (Beti Bachao Beti Patao) :-

बेटी बचाओ बेटी पढाओ (Beti Bachao Beti Patao) योजनेअंतर्गत पालकांना मुलीचे खाते उघडावे लागणार आहे. यामध्ये, अर्जदार जेव्हाही आपल्या मुलीचे खाते उघडेल, तेव्हापासून मुलीच्या वयाच्या 14 वर्षांपर्यंत, अर्जदाराला खात्यात विहित रक्कम जमा करावी लागेल. आणि याशिवाय, अर्जदार मुलीच्या जन्मापासून ते 10 वर्षे वयापर्यंत खाते उघडू शकतो.

बेटी बचाओ बेटी पढाओ योजना सुरू करून मुलींचे सोनेरी भविष्य सुरक्षित होईल. ही योजना मुलांसाठी आणि पालकांसाठी खूप फायदेशीर आहे. या योजनेंतर्गत, मुलीचे 18 वर्षे पूर्ण झाल्यानंतर अर्जदाराला खात्यातून फक्त 50% रक्कम काढता येते आणि मुलगी 21 वर्षे पूर्ण झाल्यावर, तिच्या लग्नासाठी आणि शिक्षणासाठी खात्यात जमा केलेली संपूर्ण रक्कम काढू शकते.

बेटी बचाओ बेटी पढाओ योजनेसाठी अर्जदार ऑफलाइन (Offline) आणि ऑनलाइन (Online) अशा दोन्ही माध्यमातून अर्ज करू शकतात. जर त्यांनी ऑनलाइन अर्ज केला असेल तर त्यांना अधिकृत वेबसाइटवर जावे लागेल आणि त्यांनी ऑफलाइनद्वारे अर्ज केल्यास त्यांना संबंधित कार्यालयात जाऊन फॉर्म भरावा लागेल…

या योजनेअंतर्गत मुलींना सुकन्या समृद्धी योजनेचाही (Sukanya Samrudhi Yojana) मिळेल लाभ..

देशातील मुलींच्या उज्वल भवितव्यासाठी सरकारने बेटी बचाओ बेटी पढाओ ही योजना सुरू केली, जेणेकरून त्यांना भविष्यात कोणत्याही प्रकारचा त्रास होऊ नये. या योजनेसोबतच आता मुलीला सुकन्या समृद्धी योजनेचा लाभ दिला जाणार आहे. त्यामुळे त्यांचे भविष्य अधिक सुरक्षित होईल. या योजनेमुळे मुलींच्या आयुष्यात नवा बदल होणार आहे. भविष्याचा मार्ग सुकर करण्यात महत्त्वाची भूमिका बजावेल. ही योजना विशेषत: आर्थिकदृष्ट्या दुर्बल वर्गात जन्मलेल्या मुलींना वयाची 21 वर्षे पूर्ण केल्यानंतर चांगली रक्कम प्रदान करेल. एका कुटुंबात जन्मलेल्या जास्तीत जास्त दोन मुली सुकन्या समृद्धी योजनेत त्यांचे खाते उघडू शकतात…

या योजनेबाबत अनेकजण लोकांना फेक फॉर्म देऊन त्यांची फसवणूक करत आहेत. महिला आणि बाल विकास मंत्रालयाने दिलेल्या आदेशात देशातील नागरिकांनी या फसवणूक करणाऱ्यांपासून सावध राहावे आणि योजनेच्या अधिकृत वेबसाइटवर जाऊनच अर्ज करावा, असे म्हटले आहे. इतर कोणत्याही वेबसाइट किंवा संस्थेला भेट देणे टाळायला हवं…

या योजनेत किती रक्कम जमा करावी लागेल अन् किती असेल त्याचे रिटर्न्स…

जर तुम्ही मुलीच्या या खात्यात दरमहा 1000 रुपये जमा केले, तर एका वर्षात थेट 12000 रुपये जमा केले, तर मुलीची 14 वर्षे पूर्ण झाल्यावर तुमच्या मुलीच्या खात्यात 1,68,000 रुपये जमा होतील. जर मुलगी 18 वर्षे पूर्ण झाल्यानंतर तुम्हाला रक्कम काढायची असेल तर तुम्ही फक्त 50% काढू शकता, उर्वरित 50% फक्त मुलीच्या लग्नाच्या वेळी काढता येईल.

आणि जर तुम्ही ही रक्कम 21 वर्षे पूर्ण झाल्यानंतर काढली तर तुम्हाला एकूण 6,07,128 रुपये दिले जातील. जर तुम्ही दरवर्षी दीड लाख रुपये बँकेत जमा केले तर 14 वर्षे पूर्ण झाल्यावर तुमच्या मुलीच्या खात्यात 21 लाख रुपये जमा होतील. खात्याचा मॅच्युरिटी रेट पूर्ण झाल्यावर मुलीला 72 लाख रुपये दिले जातील.

BBBP (Beti Bachao Beti Patao) योजनेचे फायदे :-

BBBP योजनेच्या माध्यमातून देशात मुलींच्या मृत्यूचे प्रमाण कमी होईल आणि लोक मुलींना शिक्षण क्षेत्रात प्रोत्साहन देतील.
देशात स्त्री भ्रूण हत्या होणार नाही आणि कोणताही पालक आपल्या मुलीला ओझं समजणार नाही..
या योजनेंतर्गत मुलींना त्यांच्या लग्नासाठी किंवा त्यांच्या अभ्यासासाठी जमा केलेली रक्कम निर्धारित वेळेत दिली जाईल.
देशात मुलगा आणि मुलगी समान मानले जातील, मुलींमध्ये भेदभाव केला जाणार नाही.
अर्जदार या योजनेसाठी सहजपणे अर्ज करू शकतात आणि त्याचे फायदे मिळवू शकतात.
योजनेअंतर्गत, मुलीच्या पालकांनातिच्या जन्मापासून ते 10 वर्षांपर्यंत खातं उघडता येऊ शकता .

बेटी बचाओ बेटी पढाओ योजना / पात्रता :-

अर्ज करण्यासाठी, अर्जदाराकडे सर्व कागदपत्रे उपलब्ध असणे आवश्यक आहे.
अर्जदार हा भारतीय असणे आवश्यक आहे.
योजनेअंतर्गत अर्ज करण्यासाठी मुलीचे वय 10 वर्षापर्यंत असावे.
मुलीच्या नावाने सुकन्या समृद्धी खाते (Sukanya Samrudhi account) उघडणे बंधनकारक आहे.

आवश्यक कागदपत्रे :-

1. पालकांचे ओळखपत्र
2. आधार कार्ड
3. पॅन कार्ड
4. ड्रायव्हिंग लायसन्स
5. अधिवास प्रमाणपत्र
6. पासपोर्ट आकाराचा फोटो
7. मुलीचा जन्म दाखला
8. मुलीचे आधार कार्ड
9. रजिस्टर्ड मोबाईल क्रमांक

बेटी बचाओ बेटी पढाओ साठी अर्ज कसा कराल ?

अर्जदार प्रथम महिला आणि बाल विकास मंत्रालयाच्या अधिकृत https://wcd.nic.in/ वेबसाइटवर जा…
येथे योजनेचे होम पेज तुमच्या समोर उघडेल.
होमपेजवर, तुम्ही योजनेच्या दिलेल्या ऑप्शनवर जा आणि येथे दिलेल्या ऑप्शन मधून ‘Empowerment Scheme’ योजनेवर क्लिक करा.
त्यानंतर तुमच्या समोर एक नवीन पेज उघडेल.
येथे तुम्ही योजनेशी संबंधित सर्व माहिती आणि गाईडलाईन्स वाचू शकता आणि योजनेसाठी अर्ज करू शकता….
अन्यथा जवळच्या जनसेवा केंद्राला भेट द्या…

बेटी पढाओ बेटी बचाओ ऑफलाइन अर्ज कसा कराल ?

• योजनेसाठी अर्ज करण्यासाठी, अर्जदारांनी खाजगी बँक किंवा पोस्ट ऑफिसमध्ये जावे.
• आवश्यक कागदपत्रे सोबत ठेवावी लागतील.
• आता बेटी बचाओ बेटी पढाओचा अर्ज येथे घ्या.
• अर्ज घेतल्यानंतर फॉर्ममध्ये विचारलेली माहिती भरा.
• सर्व माहिती भरल्यानंतर, फॉर्ममध्ये विचारलेली सर्व कागदपत्रे जोडा.
• आता बँकेत किंवा पोस्ट ऑफिसमध्ये जमा करा.
• त्यानंतर तुमची अर्ज प्रक्रिया पूर्ण होईल.