शेतकऱ्यांचा वाईट काळ सुरूच..! आता कापसानंतर तुरीची बारी, भारतात 10 लाख टन तूर होणार आयात, पहा आजचे तूर बाजारभाव..

देशात यंदा तुरीची लागवड कमी झाली. तसेच पाऊस आणि मररोगामुळं देशातील तूर उत्पादनात देखील मोठी घाट झाल्याचे समोर आले होते. देशातील गुलबर्ग भागात खराब हवामान आणि रोगामुळे तूर डाळ उत्पादनात मोठी कमतरता आली होती. त्यामुळे महाराष्ट्रातील तूर उत्पादक शेतकऱ्यांना तुरीला चांगला भाव मिळण्याची अपेक्षा होती. मात्र केंद्र सरकारच्या नव्या धोरणामुळे शेतकऱयांच्या या आनंदावर विरजण पडल्याचे दिसून येत आहे.

तुरीच्या दरातील तेजी पाहून सरकारने शेतकऱ्यांच्या नफ्या ऐवजी आयातीला प्रोत्साहन दिल्याचे स्पष्ट दिसून येत आहे. यंदा तर सरकार विक्रमी तूर आयात करणार आहे असे दिसत आहे. येणाऱ्या संभाव्य टंचाईच्या भीतीने, सरकारने देशांतर्गत गरज भागविण्यासाठी यावर्षी खाजगी व्यापाराद्वारे सुमारे 10 लाख टन उच्च दर्जाची तूर डाळ आयात करण्याची आगाऊ योजना आखल्याचे स्पष्ट केले आहे.

जीवनावश्यक वस्तूंच्या, विशेषतः डाळी आणि कांद्याच्या किमतींचा आढावा घेण्यासाठी कॅबिनेट सचिवांनी बोलावलेल्या उच्चस्तरीय बैठकीत या विषयावर चर्चा देखील करण्यात आली.

कृषी मंत्रालयाने केलेल्या प्राथमिक अंदाजानुसार 2022-23 या चालू पीक वर्षात तूर उत्पादन 3.89 दशलक्ष टन इतके कमी आहे, जे मागील वर्षी 4.34 दशलक्ष टन होते. तूर हे खरीप पीक असल्याने त्याच्या उत्पादनात नेहमीच चढ उत्तर चालूच असतात.

आयातीद्वारे तुरीची कमतरता भरून काढण्यासाठी ही योजना आखण्यात आली आहे,” असे ग्राहक व्यवहार सचिव रोहित कुमार सिंग यांनी पत्रकारांना सांगितले. 2021-22 मध्ये सुमारे 7.6 लाख टन तूर आयात करण्यात आली होती, असेही ते म्हणाले.

सचिव म्हणाले की येणाऱ्या परिस्थीवर नियंत्रण मिळवण्याच्या दृष्टीने सरकारने आगाऊ योजना तयार केली आहे आणि तूर डाळ आयात करण्यासाठी आधीच खाजगी व्यापाऱ्यांशी चर्चा देखील केली आहे. त्यानुसार डिसेंबर 2022 मध्ये सुमारे 2 लाख टन तूर डाळ आयात करण्यात आली आहे.

भारतात तूर डाळ ही पूर्व आफ्रिकन देशांमधून आणि म्यानमारमधून सर्वाधिक आयात केली जाते. या देशांमध्ये सुमारे 11-12 लाख टन तूर उपलब्ध असल्याचा अंदाज असल्याने भारत आवश्यक असलेली तूर डाळ याठिकाणावरून आयात करू शकेल, असे ते म्हणाले.

सरकार डाळींची आयात सुलभ व्हावी यासाठी व फ्युमिगेशन आणि फायटोसॅनिटरी मानदंड सुलभ करण्यासाठी काम करत आहे. आधीच 31 मार्च 2024 पर्यंत तूर डाळ आयात खुल्या सर्वसाधारण परवान्याखाली आणली गेली आहे, असेही ते म्हणाले. कांद्याच्या बाबतीत सचिव म्हणाले की, सध्या भाव स्थिर आहेत. सरकार येत्या काही महिन्यांत रब्बी पिकातून कांदा खरेदी करेल.

पहा आजचे तूर बाजारभाव..