देशातली पहिली हाय स्पीड क्रूझ सेवा महाराष्ट्रात, या 2 शहराचं अंतर फक्त तासाभरात होणार पूर्ण, तिकीट दर फक्त 250 रु. पहा डिटेल्स..

देशातली पहिली हाय स्पीड क्रूझ सेवा महाराष्ट्रातील 2 शहरांदरम्यान सुरु होणार आहे. मुंबई पोर्ट ट्रस्टने गेटवे ऑफ इंडिया येथून लक्झरी क्रूझ सेवा सुरू करण्यास परवानगी दिली आहे. 6 फेब्रुवारीपासून गेटवे ऑफ इंडिया ते बेलापूर अशी क्रूझ सेवा सुरू होणार आहे. दक्षिण मुंबई ते बेलापूर (Mumbai to Belapur) दरम्यान प्रवास करणाऱ्या प्रवाशांना क्रूझच्या धावण्यासोबत जलद प्रवासाचा पर्याय असणार आहे.

या क्रूझच्या माध्यमातून प्रवाशांचा प्रवास अवघ्या 1 तासात पूर्ण होणार आहे. रस्त्याने प्रवास पूर्ण करण्यासाठी 2.30 तासांपेक्षा जास्त वेळ लागतो. मुंबई पोर्टने नयनतारा शिपिंग कंपनीला या मार्गावर चाचणी तत्त्वावर क्रूझ चालवण्याची परवानगी दिली आहे.

सेवा सुरू केल्यानंतर, कंपनीला फेरी आणि प्रवाशांची संख्या पोर्टला कळवावी लागणार असून प्रवाशांच्या संख्येनुसार, कंपनीला गेटवेवरून इतर मार्गांवर क्रूझ चालवण्याची परवानगी दिली जाणार आहे.

चांगल्या प्रतिसादाची अपेक्षा..

काही महिन्यांपूर्वी, कंपनीने बेलापूर, जेएनपीटी, एलिफंटा दरम्यान डोमेस्टिक क्रूझ टर्मिनल (भाऊचा धक्का) येथून क्रूझ सेवा सुरू करण्याबाबत बोलले होते. मात्र क्रूझ टर्मिनलपर्यंत प्रवाशांसाठी वाहतुकीची पुरेशी सोय नसल्याने लोकांनी क्रूझने प्रवास करण्यात फारसा रस दाखवला नाही. परिणामी, कंपनीला टर्मिनलवरून दैनंदिन क्रूझ सेवा स्थगित करावी लागली.

सध्या कंपनी टर्मिनलवरून फक्त शनिवार आणि रविवारीच क्रूझ सेवा करत आहे. प्रवाशांच्या कमतरतेमुळे त्रस्त झालेल्या कंपनीने टर्मिनलऐवजी गेटवे ऑफ इंडियावरून सेवा सुरू करण्यासाठी प्रशासनाकडे परवानगी मागितली होती. गेटवे ऑफ इंडियाजवळ वाहतुकीचे भरपूर पर्याय उपलब्ध असल्याने कंपनीला प्रवाशांकडून चांगला प्रतिसाद मिळण्याची अपेक्षित आहे.

350 रुपये भाडे..

समुद्रातून जलद प्रवास पूर्ण करण्यासाठी प्रवाशांना 350 रुपये खर्च करावे लागणार आहे. नयनतारा शिपिंग कंपनीचे संचालक रोहित सिन्हा यांनी दिलेल्या माहितीनुसार, वॉटर टॅक्सीमधील प्रवाशांची सोय लक्षात घेऊन हे जहाज तयार करण्यात आले आहे. या जहाजातून जवळपास 200 प्रवासी एकाच वेळी प्रवास करू शकतील. जलवाहतुकीदरम्यान प्रवाशांना थंडावा मिळावा यासाठी जहाजात वातानुकूलित व्यवस्थेचीही व्यवस्था करण्यात आली आहे. क्रूझच्या खालच्या डेकमध्ये प्रवास करण्यासाठी 250 रुपये आणि वरच्या डेकमध्ये प्रवास करण्यासाठी 350 रुपये खर्च करावे लागणार आहे.

हाई स्पीड क्रूझ..

गेटवे ऑफ इंडियावरून धावणारी ही क्रूझ देशातील पहिली हायस्पीड बोट आहे. रोहित सिन्हा यांच्या म्हणण्यानुसार, आतापर्यंत देशात 7 ते 8 नॉटिकल मैल वेगाने धावणाऱ्या प्रवासी क्रूझ तयार केल्या जात होत्या, मात्र त्यांनी 16 नॉटिकल मैलांवर धावणारी देशातील सर्वात वेगवान बोट गोव्यात तयार केली आहे.

सध्या फक्त एकच फेरीत धावणार..

क्रूझ कंपनीच्या म्हणण्यानुसार, सुरुवातीच्या टप्प्यात या मार्गावर फक्त एकच क्रूझ फेरी उपलब्ध असेल. बेलापूर येथून सकाळी 8.30 वाजता क्रूझ सुटेल. क्रूझ सकाळी 9.30 वाजता गेटवे ऑफ इंडियाला पोहोचेल. गेटवे येथून सायंकाळी 6.30 वाजता बोट निघेल आणि 7.30 वाजता बेलापूरला पोहोचेल. कंपनीच्या म्हणण्यानुसार, ते सध्या मुंबई ते बेलापूर दरम्यान दररोज प्रवास करणाऱ्या कार्यालयीन कर्मचाऱ्यांना लक्ष्य केलं आहे. लोकांची आवड वाढल्यानंतर फेरींची संख्याही वाढवली जाणार आहे.