शासनाकडून ‘या’ लाभार्थ्यांना व्यवसायासाठी मिळणार 10 लाख ते 1 कोटींपर्यंत कर्ज; पहा, पात्रता, कागदपत्रे अन् ऑनलाईन प्रोसेस

युवकांना नवीन उद्योग सुरू करण्यासाठी शासन विविध योजना राबवत असते. केंद्र सरकार मार्फतही अशी योजना चालवते, ज्यामध्ये 10 लाखांपासून ते 1 कोटींपर्यंत कर्ज मिळू शकते. देशातील उद्योजकतेला चालना देण्यासाठी ही स्टँड अप इंडिया – योजना – सुरू करण्यात आली आहे. या योजनेंतर्गत देशभरात आपला व्यवसाय सुरू करण्याचे स्वप्न पाहणाऱ्या अनुसूचित जाती, अनुसूचित जमातीच्या युवकांना आणि महिला उद्योजकांना 1 कोटीपर्यंतचे कर्ज घेऊन आपला व्यवसाय सुरू करू शकतात. योजनेअंतर्गत, जाणून घेउया या कर्ज योजनेबद्दल. . .

तुमच्या गरजेनुसार तुम्ही या योजनेअंतर्गत कर्जासाठी अर्ज करू शकता. तुम्हाला 10 लाख ते 1 कोटी पर्यंत निधी मिळू शकतो. कर्ज परतफेडीचा कालावधी सात वर्षांचा आहे आणि तुम्हाला 18 महिन्यांचा कमाल मोरेटोरियम कालावधी मिळणार आहे. यामध्ये रुपे डेबिट कार्ड क्रेडिट काढण्यासाठी दिलं जातं.

कोण करू शकतो अर्ज ?

या योजनेसाठी, केवळ एक महिला किंवा अनुसूचित जाती / जमाती प्रवर्गातील व्यक्ती अर्ज करू शकते आणि कर्जासाठी अर्ज करणाऱ्या व्यक्तीचे वय 18 वर्षे किंवा त्याहून अधिक असावे.

कंपनी खाजगी मर्यादित किंवा भागीदारी फर्म असणे आवश्यक आहे.

कंपनीची उलाढाल 25 कोटींपेक्षा जास्त नसावी. आणि त्याच्याकडे कोणत्याही बँक किंवा वित्तीय संस्थेकडे कोणतीही थकबाकी नसावी.

या योजनेंतर्गत, बस ग्रीनफिल्ड प्रकल्पावर काम करणाऱ्या कंपनी/ फर्म/ संस्था/ व्यक्तीला (उत्पादन किंवा सेवा क्षेत्रांतर्गत कोणताही पूर्णपणे नवीन प्रकल्प) सरकार कर्ज देईल.

यासाठी कंपनीला औद्योगिक धोरण आणि प्रोत्साहन विभागाची मान्यता असणे आवश्यक आहे.

कर्जासाठी अर्ज करणाऱ्या व्यक्तीकडे फर्ममध्ये 51% भागीदारी आणि नियंत्रण असावे.

काय आहे व्याज दर ?

या योजनेअंतर्गत कर्ज त्या कॅटेगरीतील बँकेने देऊ केलेल्या सर्वात कमी दराने दिले जाईल, परंतु ते (बेस रेट (MCLR) + 3% + Tenor Premium) पेक्षा कमी नसावे.

अर्ज करण्यासाठी आवश्यक कागदपत्रे :-

– पासपोर्ट आकाराचा फोटो
आयडी प्रूफ – पासपोर्ट, ड्रायव्हिंग लायसन्सची छायाप्रत.
रहिवासी प्रमाणपत्र, मतदार ओळखपत्रही यासाठी चालणार आहे.
भागीदारी फर्म असल्यास, भागीदारी कराराची कागदपत्रे.
– भाडे करार
मागील तीन वर्षांचा ताळेबंद
निव्वळ मालमत्ता आणि दायित्व तपशील, इतर

अर्ज कसा करावा (स्टँड-अप इंडिया योजनेअंतर्गत कर्जासाठी अर्ज कसा करावा)

तुम्ही या योजनेसाठी तीन प्रकारे अर्ज करू शकता –

– बँकेच्या शाखेला भेट देऊन
– (प्रमुख जिल्हा व्यवस्थापक लीड डिस्ट्रिक्ट मॅनेजरकडे
– SIDBI (भारतीय लघु उद्योग विकास बँक) च्या पोर्टलला भेट देऊन.

पोर्टलद्वारे अर्ज कसा कराल ?

स्टँड-अप इंडिया लोन स्कीम पोर्टलवर जाण्यासाठी सर्वप्रथम लिंकवर क्लिक करा लिंक – https://www.standupmitra.in/

आता तुम्ही साईडला “Handholding Support’ वर येथे क्लिक करा

यानंतर, तीन ऑप्शन दिसतील, ज्यामध्ये तुम्हाला विचारले जाईल की तुम्ही काय आहात – न्यू आंत्रप्रेनिअर, आधीच आंत्रप्रेनिअर किंवा सेल्फ-यंप्लॉयड प्रोफेशनल ? यापैकी एक ऑप्शन निवडा.

आता तुमचे नाव, ईमेल पत्ता आणि मोबाईल नंबर टाका आणि जनरेट ओटीपी ऑप्शन वर क्लिक करा. ओटीपी प्राप्त झाल्यानंतर, तो प्रविष्ट करा.

आता तुम्हाला Register वर क्लिक करावे लागेल. येथे लॉग इन करण्यासाठी तुम्हाला तुमची लॉगिन क्रेडेन्शियल्स प्रविष्ट करणे आवश्यक आहे.

लॉग इन केल्यानंतर, तुम्हाला एक अर्ज दिसेल, ज्यामध्ये तुम्हाला विनंती केलेली सर्व डिटेल्स भरावे लागतील आणि सबमिट करावे लागतील.

अशा प्रकारे तुम्ही स्टँड अप इंडिया कर्ज योजनेअंतर्गत अर्ज करू शकाल.