Mumbai : ठाणे – डोंबिवली प्रवास आता फक्त 20 मिनिटांत..! मुंबईचा प्रवासही होणार निम्म्याने कमी, लवकरच सुरु होत आहे हा नवा पूल..

मुंबईहून डोंबिवलीकडे येणाऱ्या – जाणाऱ्या वाहन प्रवाशांना लवकरच मोठा दिलासा मिळणार आहे. या मार्गावरील नवीन उड्डाणपुलाचे काम लवकरच पूर्ण होणार असून, त्यानंतर मुंबईहून डोंबिवलीला ये – जा करणाऱ्या लोकांचा प्रवासाचा वेळ 30 ते 45 मिनिटांनी वाचणार आहे. मोटागाव – माणकोली रोड लिंक अंतर्गत हा नवीन उड्डाणपूल बांधण्यात आला असून, त्याचे काम अंतिम टप्प्यात आहे. काही महिन्यांनी हा मार्ग सर्वसामान्य वाहनांसाठी खुला होणार आहे.

मुंबई महानगर क्षेत्रविकास प्राधिकरणाचे (MMRDA) महानगर आयुक्त एसव्हीआर श्रीनिवास यांनी या कामाची नुकतीच पाहणी केली असून हा पूल एप्रिलपर्यंत खुला करण्याची सूचना त्यांनी अधिकाऱ्यांना केली आहे.

तसेच या प्रकल्पाचा पाठपुरावा करणारे शिवसेना खासदार श्रीकांत शिंदे यांनी सांगितलं की, पावसाळ्यापूर्वी हे जाळे वाहतुकीसाठी तयार होणार असून हा प्रकल्प सहा पदरी असून 1.6 किमी लांबीचा नाशिक पूल माणकोली येथील मुंबई – नाशिक महामार्गाला डोंबिवलीच्या सर्वात दूरच्या पश्चिमेला मोटागाव येथे जोडतो.

प्रवास 30 – 45 मिनिटांनी होणार कमी..

सध्या कुलाबा ते डोंबिवली किंवा अगदी पश्चिम उपनगरांदरम्यान ठाणे (माजिवडा) किंवा शिळफाटा मुंब्रा – पनवेल महामार्ग किंवा कल्याण – कोनगाव – मुंबई नाशिक महामार्गावरून प्रवास करण्यासाठी दोन तासांपेक्षा जास्त वेळ लागतो. मात्र, नाशिक महामार्गावरील माणकोलीपासून नवीन रस्त्याची लिंक सुरु झाल्याने हे अंतर सुमारे 15 किलोमीटरने कमी होणार असून, अंतर कापण्यासाठी लागणारा वेळ सुमारे 30 – 45 मिनिटे कमी होणार आहे.

डोंबिवली पूर्व आणि पश्चिमेतील रहिवाशांना कल्याण किंवा मुंब्रा मार्गे लांब वळसा न घालता ठाणे आणि मुंबईला जाण्यासाठी रस्ता जोडण्यास मदत होणार आहे.

प्रकल्प 84% पूर्ण..

जलद कनेक्टिव्हिटी नसल्यामुळे, बहुतेक रहिवासी केवळ रेल्वे नेटवर्कवर अवलंबून असतात कारण ते अंतर 20 मिनिटांत पूर्ण करते. याशिवाय हा रस्ता पुढे कल्याणमधील दुर्गाडीला जोडणाऱ्या प्रस्तावित रिंगरोडला जोडण्यात येणार आहे. मे अखेरपर्यंत प्रकल्प पूर्ण करण्याचे उद्दिष्ट ठेवण्यात आले आहे.

एमएमआरडीएचे आयुक्त एसव्हीआर श्रीनिवास यांनी या आठवड्याच्या सुरुवातीला बांधकामाधीन पुलाचा आढावा घेतला आणि अधिकाऱ्यांना प्रकल्पाचे काम जलद गतीने करण्याचे निर्देश दिले. प्रकल्पाचे 84 टक्के काम पूर्ण झालं आहे.