Onion Price : राज्यात कांद्याचे भाव वाढल्यानं शेतकरी सुखावला, प्रतिक्विंटल 3,300 रुपयांवर पोहचला कांदा..

कांदा निर्यातीवर बंदी घालून एक महिन्याहून अधिक काळ लोटला आहे. आता या निर्णयाचा परिणाम बाजारात दिसून येत आहे. महाराष्ट्रातील सोलापूर बाजारपेठेत कांद्याच्या भावाने या हंगामात विक्रमी नोंद केली आहे. येथे 5 जून रोजी कमाल घाऊक किंमत 33 रुपये प्रति किलोवर पोहोचली आहे, जी चालू रब्बी हंगामातील सर्वाधिक आहे.

यंदा प्रथमच कांद्याला एवढा भाव शेतकऱ्यांना मिळाला आहे. सोलापूरमध्ये कांद्याची बंपर आवक होते. खरीप हंगामात रोजची आवक एक लाख क्विंटलच्या पुढे गेली होती. मात्र 5 जून रोजी या बाजारात केवळ 6446 क्विंटल कांदा विकला गेला. भाव वाढण्यामागे हेही एक प्रमुख कारण असल्याचे मानले जात आहे.

मात्र, किमान किंमत पूर्वीप्रमाणे केवळ एक रुपये प्रति किलो इतकीच राहिली. सरासरी घाऊक भाव 16 रुपये किलो होता. बहुतांश बाजार समितींमध्ये आवक फारच कमी राहिली आहे, त्यामुळे कमाल भाव 20 ते 30 रुपये प्रतिकिलो आहे, त्यामुळे शेतकऱ्यांना मोठा दिलासा मिळाला आहे..

काही बाजार समितींमध्ये किमान घाऊक किंमतही 20 रुपये किलोच्या पुढे गेली आहे. महाराष्ट्र कृषी पणन मंडळाच्या वेबसाईटनुसार, 6 जून रोजी राज्यातील 43 पैकी 40 बाजार समितींमध्ये कांद्याची कमाल घाऊक किंमत 20 रुपये प्रति किलोच्या वर होती. पुणे बाजार समितीत दुपारपर्यंत 7754 क्विंटल कांदा विक्रीसाठी आला, त्यामुळे येथील किमान भावही 26 रुपये किलोवर पोहोचला. तूर्त तरी भाव असेच राहतील, अशी आशा शेतकऱ्यांना आहे.

कारण कांद्याच्या मुद्द्यावरून महाराष्ट्रात लोकसभा निवडणुकीत नुकसान सोसलेले सरकार शेतकऱ्यांची नाराजी होईल असा कोणताही निर्णय घेण्याच्या आता तरी मनस्थितीत दिसत नाही..

कोणत्या बाजार समिती किती भाव ?

6 जून रोजी पुणे बाजार समितीत आज दुपारपर्यंत 7754 क्विंटल कांद्याची आवक झाली. येथे कमीत कमी दर 800 रुपये, जास्तीत जास्त दर 2600 रुपये आणि सर्वसाधारण दर 1700 रुपये प्रतिक्विंटल भाव मिळाला.

इस्लामपूर बाजारात 50 क्विंटल कांद्याची आवक झाली. येथे कमीत कमी दर 1500 रुपये, जास्तीत जास्त दर 3000 रुपये आणि सर्वसाधारण दर 2200 रुपये प्रतिक्विंटल भाव मिळाला.

पिंपळगाव बसवंत बाजार समितीत 15000 क्विंटल कांद्याची आवक झाली. येथे कमीत कमी दर 800 रुपये, जास्तीत जास्त दर 2714 रुपये आणि सर्वसाधारण दर 2351 रुपये प्रतिक्विंटल भाव मिळाला.

लासलगाव – विंचूर बाजार समितीत उन्हाळी कांद्याची 8500 क्विंटल आवक झाली. येथे कमीत कमी दर 1000 रुपये, जास्तीत जास्त दर 2501 रुपये आणि सर्वसाधारण दर 2300 रुपये प्रतिक्विंटल भाव मिळाला.

निर्यातीवर घातलेली अट काढून टाकण्याची मागणी..

केंद्र सरकारने 4 मे रोजी कांदा निर्यातबंदी पाच महिन्यांनी संपवण्याचा निर्णय घेतला तेव्हा बाजारात कांद्याचे भाव खूपच कमी होते. आता कांद्याची निर्यात होऊ लागली आहे, त्यामुळे स्थानिक बाजारपेठेतील आवक लक्षणीय घटली आहे. आता आवक कमी झाल्याने भाव वाढत आहेत. मात्र, महाराष्ट्र कांदा उत्पादक संघटनेचे अध्यक्ष भरत दिघोळे यांनी प्रति टन 550 डॉलरची किमान निर्यात किंमत आणि त्यावर लावण्यात आलेले 40 टक्के शुल्क काढून टाकावे, जेणेकरून निर्यात वाढू शकेल आणि शेतकऱ्यांचे आतापर्यंत झालेले नुकसान भरून काढता येईल.