शेतीशिवार टीम, 26 फेब्रुवारी 2022 : केंद्र शासनाने संदर्भधीन दि.10 मे, 2021 च्या पत्रान्वये, प्रधानमंत्री कृषी सिंचन योजनेच्या प्रति थेंब अधिक पीक घटकाची सन 2021-22 या वर्षात अंमलबजार्णी करण्यासाठी महाराष्ट्र राज्यासाठी केंद्र हिस्स्याचा रु.400 कोटी नियतव्यय कळविला आहे.
संदर्भधीन दि. 26 जुलै,2021 च्या शासन निर्णयान्वे प्रधानमंत्री कृषी सिंचन योजनेच्या प्रति थेंब अधिक पीक घटकाच्या सन 2021-22 च्या रु.589 कोटी रकमेच्या वार्षिक कृति आराखड्यास प्रशासकीय मान्यता देण्यात आली आहे.
केंद्र शासनाने संदर्भधीन दि. 22 फेब्रुवारी 2022 च्या पत्रान्वये पहिल्या हप्त्यात राज्यास रु.200 कोटी निधी वितरित केला आहे. यामध्ये सर्वसाधारण प्रवर्गासाठी रु.156 कोटी,अनुसूचित जातीसाठी रु.24 कोटी अनुसूचित जमातीसाठी रु.20 कोटी निधीचा समावेश आहे.
वित्त विभागाने दि.14.10.2021 च्या परिपत्रकान्वये कार्यक्रम खर्चासाठीच्या अर्थसंकल्पीय तरतूदीच्या 50 % निधी वितरित करण्यास प्रशासकीय विभागास प्राधिकृत केले आहे. सदर तरतुदीतून सन 2020-21 मधील राज्य हिस्स्याचा अवितरीत असलेला व केंद्र शासनाने सन 2020-21 या वर्षात खर्च करण्यास अनुमती दिलेला रु.85.88 कोटी निधी सदर्भाधीन दि. 08 जून, 2021 व दि.19 जानेवारी 2022 रोजीच्या शासन निर्णयान्वये वितरीत केलेला आहे.
त्यामुळे या योजनेसाठी मंजूर तरतूद व वितरणासाठी उपलब्ध असलेल्या निधीच्या मर्यादेत केंद्र हिस्स्याचा रु.156 कोटी व राज्य हिस्स्याचा रु.20.12 कोटी असा एकूण रु.176.12 कोटी निधी सर्वसाधारण प्रवर्गासाठी वितरीत करण्याची बाब शासनाच्या विचाराधीन होती, त्याबाबत शासन पुढीलप्रमाणे निर्णय घेत आहे.
शासन निर्णय : PDF डाउनलोड करू शकता..
1.सन 2021-22 करिता प्रधानमंत्री कृषि सिंचन योजना- प्रति थेंब अधिक पीक घटक योजनेंतर्गत सर्वसाधारण प्रवर्गासाठी केंद्र हिश्श्याचा रु.156 कोटी रुपये एकशे छपन्न कोटी फक्त) व राज्य हिश्श्याचा रु. 20.12 कोटी रुपये वीस कोटी बारा लाख फक्त) असा एकूण रु.176.12 कोटी (रुपये एकशे शहात्तर कोटी बारा लाख फक्त) निधी आयुक्त (कृषि) यांना अर्थसंकल्पीय वितरण प्रणालीवर वितरीत करण्यास मान्यता देण्यात येत आहे.
काय आहे ही प्रधानमंत्री कृषी सिंचन योजना तुम्ही लाभ घेऊ शकता का ?
या ‘शेतीशिवार’ माध्यमातून आपण, प्रधानमंत्री कृषी सिंचन योजनेबद्दलची (PMKSY 2022 ) सर्व माहिती देणार आहोत. जसे की लाभ, कागदपत्रे, अनुदान, ऑनलाईन अर्ज पद्धती जाणून घेऊ.त्यामुळे आमचा लेख शेवटपर्यंत वाचा…
अन्नधान्यासाठी शेती ही सर्वात महत्वाची आहे आणि सिंचन योग्य प्रकारे केले तरच शेती अधिक चांगली होईल हे तुम्हाला माहीत आहे. शेतात सिंचनासाठी जास्त पाणी लागते. पिकांना पाणी नीट न मिळाल्यास शेतकऱ्यांच्या शेतात नासाडी होते. या PMKSY 2022 अंतर्गत शेतकऱ्यांची ही अडचण दूर करून शेतकऱ्यांच्या शेतीसाठी पाण्याची व्यवस्था केली जाईल. या योजनेंतर्गत बचत गट, ट्रस्ट, सहकारी संस्था, निगमित कंपन्या, उत्पादक शेतकरी गटांचे सदस्य आणि इतर पात्र संस्थांच्या सदस्यांनाही लाभ दिला जाईल. Pradhanmantri Krishi Sinchayee Yojana 2022 अंतर्गत या योजनेअंतर्गत केंद्र सरकारने 50000 कोटी रुपयांची रक्कम निश्चित केली आहे.
पंतप्रधान कृषी सिंचाई योजनेची (PMKSY 2022) वैशिष्ट्ये :-
या योजनेच्या माध्यमातून सर्व शेतात सिंचनासाठी पाणी उपलब्ध होणार आहे.
या योजनेअंतर्गत सरकारला जलसंचय, भूजल विकास इत्यादी जलस्रोत मिळणार आहेत.
यासोबतच शेतकऱ्याने सिंचनाची साधने खरेदी केल्यास त्यालाही अनुदान दिले जाणार आहे.
प्रधानमंत्री कृषी सिंचन योजनेच्या माध्यमातून वेळ आणि पैसा दोन्हीची बचत होणार आहे.
ठिबक सिंचन, तुषार सिंचन इत्यादींनाही शासन या योजनेद्वारे प्रोत्साहन देणार आहे.
पिकांना योग्य प्रकारचे सिंचन मिळाल्यास उत्पादनातही वाढ होते.
या योजनेचा लाभ अशा सर्व शेतकऱ्यांना घेता येईल ज्यांची स्वतःची शेती आणि पाण्याचे स्त्रोत आहेत.
याशिवाय जे शेतकरी कंत्राटी शेती करत आहेत किंवा सहकारी सभासद आहेत तेही या योजनेचा लाभ घेऊ शकतात.
बचत गटांनाही प्रधानमंत्री कृषी सिंचाई योजनेचा लाभ मिळू शकतो.
या योजनेचा लाभ घेण्यासाठी अधिकृत वेबसाइटवर जाऊन अर्ज करावा लागेल.
या योजनेंतर्गत सरकारकडून सिंचन उपकरणे खरेदीवर 80% ते 90% पर्यंत अनुदान दिले जाईल.
प्रधानमंत्री कृषी सिंचन योजनेचे (PMKSY 2022) लाभ :-
या योजनेंतर्गत देशभरात शेती करणाऱ्या शेतकऱ्यांना त्यांच्या शेतात सिंचनासाठी पुरेसे पाणी उपलब्ध करून दिले जाईल आणि त्यासाठी शासनाकडून सिंचन उपकरणांसाठी अनुदान दिले जाईल.
ही पाणीटंचाई पूर्ण करण्यासाठी प्रधानमंत्री कृषी सिंचाई योजना सुरू करण्यात आली आहे. त्यामुळे शेतकऱ्यांना सिंचन करता येणार आहे.
या योजनेचा विस्तार शेतीसाठी योग्य असलेल्या जमिनीपर्यंत केला जाणार आहे.
या योजनेचा लाभ देशातील अशा शेतकऱ्यांना दिला जाईल ज्यांच्याकडे स्वतःची शेतीयोग्य जमीन आहे आणि ज्यांच्याकडे जलस्रोत आहेत.
प्रधानमंत्री कृषी सिंचाई योजना 2022 द्वारे, शेतीचा विस्तार होईल, उत्पादकता वाढेल, ज्यामुळे अर्थव्यवस्थेचा संपूर्ण विकास होईल.
योजनेसाठी केंद्राकडून 75% अनुदान दिले जाणार असून 25% खर्च राज्य सरकार करणार आहे.
त्यामुळे ठिबक / स्प्रिंकलरसारख्या सिंचन योजनेचा लाभही शेतकऱ्यांना मिळतो.
नवीन उपकरण प्रणालीच्या वापरामुळे 40-50% पाण्याची बचत होईल आणि त्यासोबतच कृषी उत्पादनात 35-40% वाढ होऊन उत्पादनाचा दर्जा वाढेल.
2018 – 2019 या काळात केंद्र सरकार सुमारे 2000 कोटी रुपये खर्च करणार आहे आणि पुढील आर्थिक वर्षात या योजनेवर आणखी 3000 कोटी रुपये खर्च केले जातील…
पंतप्रधान कृषी सिंचन योजना 2022 साठी पात्रता :-
या योजनेचा लाभ घेण्यासाठी शेतकऱ्यांकडे शेतीयोग्य जमीन असावी.
या योजनेचे पात्र लाभार्थी देशातील सर्व विभागातील शेतकरी असावे.
पीएम कृषी सिंचाई योजनेअंतर्गत, बचत गट, ट्रस्ट, सहकारी संस्था, निगमित कंपन्या, उत्पादक शेतकरी गटांचे सदस्य आणि इतर पात्र संस्थांच्या सदस्यांनाही लाभ प्रदान केले जातील.
PM कृषी सिंचन योजना 2022 चे लाभ त्या संस्था आणि लाभार्थ्यांना उपलब्ध होतील जे किमान सात वर्षांसाठी भाडेपट्टा करारानुसार त्या जमिनीची लागवड करतात. ही पात्रता कंत्राटी शेतीच्या माध्यमातूनही मिळवता येते…
प्रधानमंत्री कृषी सिंचाई योजना 2022 ची कागदपत्रे :-
अर्जदाराचे आधार कार्ड
ओळखपत्र
शेतकऱ्यांच्या जमिनीची कागदपत्रे
जमिनीची ठेव (शेतीची प्रत)
बँक खाते पासबुक
पासपोर्ट आकाराचा फोटो
मोबाईल नंबर
प्रधानमंत्री कृषी सिंचाई योजना 2022 मध्ये अर्ज कसा करायचा ?
या योजनेची माहिती प्रत्येक शेतकऱ्यापर्यंत पोहोचवण्यासाठी केंद्र सरकारने एक ऑफिशियल पोर्टल तयार करण्यात आलं आहे. येथे योजनेशी संबंधित प्रत्येक माहिती सविस्तरपणे देण्यात आली आहे. नोंदणी किंवा अर्जासाठी, आपल्या राज्य सरकारनेही राज्याच्या कृषी विभागाच्या वेबसाइटवर ही अर्ज करता येणार आहे.
तुम्हाला या योजनेसाठी अर्ज करायचा असल्यास तुम्ही आपल्या राज्याच्या कृषी विभागाच्या ऑफिशिअल वेबसाइट ला भेट देऊन अर्जाशी संबंधित माहिती मिळवू शकता, तसेच या योजनेसंबंधी शेतकरी बांधवानो तुमचा तालुका / जिल्हा कृषी अधिकारी कार्यालयाला नक्की भेट द्या. तिथे तुम्हाला योजनेनाबंधी लेटेस्ट अपडेट समजतील.
