शेतीशिवार टीम, 12 मार्च 2022 :- EPFO :- सुमारे 6 कोटी पगारदार कर्मचाऱ्यांना होळीपूर्वी मोठा धक्का बसला आहे. कर्मचारी भविष्य निर्वाह निधी संघटना (EPFO) ने शनिवारी चालू आर्थिक वर्ष 2021-22 साठी पीएफवरील (PF) व्याज 8.5 वरून 8.1% कमी केलं आहे. गेल्या 40 वर्षांतील पीएफवरील (PF) हा सर्वात कमी व्याजदर आहे. यापूर्वी 1977 मध्ये पीएफवर PF 8 % व्याजदर होता.
1977-78 पासून सर्वात कमी व्याज…
तज्ञांच्या मते, EPFO ने आर्थिक वर्ष 1977-78 मध्ये 8% व्याजदर निश्चित केला होता. त्यानंतर, सुमारे 40 वर्षांनी, आपल्याला इतकं कमी व्याज मिळेल. आत्तापर्यंत 8.25% किंवा त्याहून अधिक व्याज दिलं गेलं आहे. मार्च 2020 मध्ये, EPFO ने भविष्य निर्वाह निधी ठेवींवरील व्याज दर 2019-20 साठी सात वर्षांमध्ये 8.5% करण्याचा निर्णय घेतला होता, जो 2018-19 मध्ये 8.65% आणि 2017-18 मध्ये 8.55% होता.
अर्थ मंत्रालयाकडून मिळणार मंजुरी…
आता CBT च्या निर्णयानंतर, 2021-22 साठी PF ठेवीवरील व्याजदर संमतीसाठी अर्थ मंत्रालयाकडे पाठवला जाणार आहे. आता CBT च्या अलीकडील निर्णयानंतर, 2021-22 साठी PF ठेवींवरील व्याजदराची माहिती मंजुरीसाठी वित्त मंत्रालयाकडे पाठवली जाणार आहे.
सूत्रांकडून काय सांगण्यात आलंय…
सूत्रांनी सांगितलं की, ‘EPFO’ ची सर्वोच्च निर्णय घेणारी संस्था सेंट्रल बोर्ड ऑफ ट्रस्टीची शनिवारी बैठक झाली, ज्यामध्ये 2021-22 साठी EPFO वरील व्याजदर 8.1% ठेवण्याचा निर्णय घेण्यात आला. केंद्रीय बोर्डाने त्यांचं उत्पन्न लक्षात घेऊन 8.1% व्याजदर जाहीर केला आहे.
सूत्रांनी सांगितलं की, ईपीएफओकडे (EPFO) जमा केलेल्या निधीवरील उत्पन्नाच्या आधारावर व्याजदर निश्चित केला जातो. ठेवींमध्ये 13% वाढ झाली, तर व्याज उत्पन्नात केवळ 8% वाढ झाली. 11-12 मार्च रोजी गुवाहाटीमध्ये EPFO बोर्डाची बैठक सुरू आहे.
EPF ठेवींवरील आत्तापर्यंतचे सर्व व्याजदर येथे पहा…
1977 – 78 : 8%
2011-12 : 8.25%
2012-13 : 8.5%
2013-14 : 8.75
2014-15 : 8.75 %
2015-16 : 8.8%
2016-17 : 8.65%
2017-18 : 8.55%
2018-19 : 8.65%
2019-20 : 8.5% (हा सात वर्षांतील म्हणजे 2012-13 नंतरचा सर्वात कमी व्याजदर होता.)
2020-21 : 8.5%
