AI Course : 12 वी सायन्सच्या विद्यार्थ्यांना मोठी संधी ! हा 1 कोर्स करा अन् देशातचं 20 लाखांपर्यंत पॅकेज मिळवा..

0

आर्टिफिशियल इंटेलिजन्स (एआय) अर्थात कृत्रिम बुद्धिमत्ता हा आगामी काळात परवलीचा शब्द बनणार आहे. कारण सध्या चॅट जीपीटी म्हणा किंवा अन्य काही ॲप्लिकेशन्स आणि सॉफ्टवेअर्स, तसेच उपकरणांमध्ये होत असलेला आर्टिफिशियल इंटेलिजन्सचा वापर पाहता भविष्यात तसे होईल यात काही शंका नाही. हे क्षेत्र अत्यंत वेगाने वाढत आहे. त्यामुळेच या क्षेत्रात करिअरच्या अनेक संधी आहेत. (AI Course) 

जगातली सर्वात श्रीमंत व्यक्ती असलेले आणि मायक्रोसॉफ्टचे संस्थापक बिल गेट्स यांनाही तसेच वाटते, की एआय क्षेत्रात रोजगाराच्या संधी वाढणार आहेत. ऑटोमेशन आणि आर्टिफिशियल इंटेलिजन्स एक्स्पट्र्सना असलेली मागणी वेगाने वाढत आहे. त्यामुळे एआय या क्षेत्रात करिअरच्या कोणत्या संधी असू शकतात, ते पाहणे गरजेचे आहे.

एआय या क्षेत्रात करिअर करायचे असेल, तर सायन्स अर्थात विज्ञान शाखेतून बारावी होणे आणि त्यानंतर कम्प्युटर सायन्स किंवा इंजिनीअरिंग ग्रॅज्युएट असणे गरजेचे आहे. त्यानंतर आर्टिफिशियल इंटेलिजन्सशी निगडित विविध क्षेत्रांत स्पेशलायझेशन करून त्यात एक्स्पर्ट होता येते.

कोर्स कुठे करता येतील ?

आर्टिफिशियल इंटेलिजन्स क्षेत्राशी निगडित कोर्सेस आयआयटी कॉलेजेसमध्ये करता येतात. खरगपूर, दिल्ली, मुंबई, कानपूर, मद्रास, गुवाहाटी, रूरकी या शहरांतल्या आयआयटी कॉलेजेसमध्ये आर्टिफिशियल इंटेलिजन्सशी संबंधित कोर्सेस आहेत. त्याशिवाय बंगळुरूतील इंडियन इन्स्टिट्यूट ऑफ सायन्स, नवी दिल्लीतील नेताजी सुभाष इन्स्टिट्यूट ऑफ टेक्नॉलॉजी, बिट्स – पिलानी, बंगळुरूतील सेंटर फॉर आर्टिफिशियल इंटेलिजन्स अँड रोबॉटिक्स, म्हैसूरमधली नॅशनल इन्स्टिट्यूट ऑफ इंजिनीअरिंग, अलाहाबादमधली इंडियन इन्स्टिट्यूट ऑफ इन्फॉर्मेशन टेक्नॉलॉजी, तसेच हैदराबाद विद्यापीठ या संस्थांमध्ये आर्टिफिशियल इंटेलिजन्सशी निगडित कोर्सेस उपलब्ध आहेत.

सॅलरी पॅकेज..

आर्टिफिशियल इंटेलिजन्स या क्षेत्रात शिक्षण घेतलेल्या मोठ्या पगाराची नोकरी मिळू शकते. आर्टिफिशियल इंटेलिजन्स क्षेत्रातली पदवी घेतलेल्या विद्यार्थ्याला सुरुवातीलाच मासिक 50 – 60 हजार रुपयांपासून एक लाख रुपयांपर्यंत वेतन मिळू शकते. त्यानंतर अनुभव आणि कौशल्य यांच्या आधारे वेतन कमी – जास्त होऊ शकते..

आर्टिफिशियल इंटेलिजन्स पदवीधारकांना सुरुवातीलाच 50 हजार ते 1 लाख रुपयांपर्यंत पगार मिळतो. बहुराष्ट्रीय कंपन्यांमध्ये तुम्हाला खूप चांगले सॅलरी पॅकेज मिळू शकते. बंगळुरू हे एआय व्यावसायिकांची पहिली पसंती आहे. यानंतर दिल्ली, मुंबई आणि हैदराबाद येतात. 12 ते 20 लाखांचे वार्षिक पॅकेज येथे सहज उपलब्ध आहे.

AI संबंधित अभ्यासक्रम..

मशीन लर्निंग आणि एआय मध्ये पीजी प्रोग्राम

कृत्रिम बुद्धिमत्ता आणि मशीन लर्निंग प्रोग्राम

आर्टिफिशियल इंटेलिजन्स आणि मशीन लर्निंग मध्ये पोस्ट ग्रॅज्युएट प्रोग्राम

पूर्ण स्टॅक मशीन लर्निंग आणि आर्टिफिशियल इंटेलिजन्स प्रोग्राम

आर्टिफिशियल इंटेलिजन्स आणि डीप लर्निंगमध्ये पोस्ट ग्रॅज्युएट सर्टिफिकेट प्रोग्राम

Leave A Reply

Your email address will not be published.