1 रुपये प्रति Km वेग पकडते ‘ही’ Electric Car ; तिप्पट महाग Hybrid Car ला कशी देणार मात ; पहा Electric Vs Hybrid Car मधला फरक

शेतीशिवार टीम : 8 ऑगस्ट 2022 :- Electric and Hybrid Car : सर्व मोठ-मोठ्या कंपन्या आपल्या नवीन कार बाजारात आणत आहेत. काही कंपन्या न्यू हायब्रीड मॉडेल्स (Hybrid) घेऊन येत असल्याने अनेक ग्राहक इलेक्ट्रिक कारवर लक्ष केंद्रित करत आहेत. अलीकडेच मारुतीने नवीन ग्रँड विटारा (New Grand Vitara) ही इलेक्ट्रिक कारपेक्षा खूपच स्वस्त हायब्रीड कार लॉन्च केली आहे.

जर तुम्ही कार घेण्याचा विचार करत असाल तर तुम्ही कोणती खरेदी कराल? Electric VS Hybrid Car मध्ये नेमका काय आहे फरक ? खर्चाचं कसं आहे गणित ? याबद्दल सर्वकाही माहिती आपण जाणून घेउया…

काय आहे Hybrid Car ची खासियत :-

Hybrid Car ही सामान्य कारसारखी असते, परंतु त्यात एकापेक्षा जास्त उर्जा स्त्रोत (Power Source) असतात. याचे इंजिन पेट्रोल आणि डिझेल दोन्हीवर काम करते. गरज भासल्यास ती इलेक्ट्रिक मोटरच्या मदतीने चालवता येते. या Cars पेट्रोल आणि डिझेलच्या तुलनेत बर्‍यापैकी ईको-फ्रेंडली आहेत. या तिन्ही सुविधांमुळे वाहन चालवताना कमी इंधन खर्च होते आणि ते जास्त मायलेज देऊ शकते.

हे सेल्फ चार्जिंग टेक्नोलॉजी रीजनरेटिव्ह ब्रेकिंगवर कार्य करते. त्यामुळे ब्रेक लावताना बॅटरी चार्ज होण्यासही मदत होते. या कारची सर्वात चांगली गोष्ट म्हणजे ही इलेक्ट्रिक कारपेक्षा स्वस्त आहे. अचानक मुख्य इंजिन बंद पडल्यास बॅटरीमधून ‘एसी’ चालवता येतो. हायब्रीड कार 3 व्हेरियंटमध्ये येते – माइल्ड हाइब्रिड, स्ट्रॉन्ग हाइब्रिड किंवा फुल हाइब्रिड आणि प्लग-इन हाइब्रिड…

Electric car मध्ये बॅटरी डिस्चार्ज होण्याची भीती :-

गेल्या एक-दोन वर्षांत भारतातील इलेक्ट्रिक कारच्या बाजारपेठेत झपाट्याने वाढ झाली आहे. यामागचे सर्वात मोठे कारण म्हणजे इंधनाच्या दरात झालेली प्रचंड वाढ. ईव्ही (EV) कार चालवण्यासाठी तुम्हाला त्यात दिलेली बॅटरी चार्ज करावी लागेल. जी कोणत्याही पेट्रोल-डिझेलवर चालणाऱ्या कारपेक्षा स्वस्त आहे. मात्र, त्याची किंमत पेट्रोल कारपेक्षा 1.6 पट जास्त आहे.

जर EV मध्ये 30-वॉटची बॅटरी दिली असेल तर ती एका चार्जवर 250 किलोमीटरपर्यंत प्रवास करू शकते. अशा परिस्थितीत पेट्रोल वाहन असेल तर इंधन संपले की लगेच ते भरता येते, परंतु EV मध्ये बॅटरी चार्ज होण्यासाठी सुमारे 8-9 तास लागतात. यामुळेच लाँग ड्राईव्हवर बॅटरी डिस्चार्ज होण्याची भीती असते. अशा स्थितीत कंपन्या बॅटरीची क्षमता वाढवण्यासाठी रेंज वाढवत आहेत. जे पूर्ण समाधान नाही.

खर्चाचे गणित, पहा :-

हायब्रीड कारची किंमत इलेक्ट्रिक कारपेक्षा कमी असते, परंतु चालण्याची कॉस्ट तिप्पट असते. जर तुम्ही इलेक्ट्रिक कार चालवत असाल, तर कार तुम्हाला एक युनिट खर्च करताना 10 किलोमीटरपर्यंतची रेंज देते. त्यामुळे तुम्हाला प्रति किलोमीटर खर्च 1 रु. पडतो. हे नुकत्याच लाँच झालेल्या नेक्सॉन कारबद्दल…

दुसरीकडे, तुम्ही मारुती सुझुकीची ग्रँड विटारा ब्रेझा (Maruti Suzuki Grand Vitara) खरेदी केल्यास, तुमचे वाहन 27.95kmpl मायलेज देते. यावेळी पेट्रोलचा दर 100 रुपयांवर गेला आहे. अशा स्थितीत तुम्हाला प्रति किलोमीटर तीन रुपये जास्त खर्च करावे लागतील. त्याची किंमत 9.50 लाखांपासून सुरू होत असली तरी ‘नेक्सॉन’ 15 लाखांच्या रेंजमध्ये उपलब्ध आहे.