शेतीशिवार टीम, 28 डिसेंबर 2021 : देशातील ओकाया (Okaya) एक शक्तिशाली इलेक्ट्रिक स्कूटर घेऊन आली आहे. पूर्ण चार्ज केल्यानंतर, ओकायाची (Okaya) ही इलेक्ट्रिक स्कूटर 200 किलोमीटर चालते.
ओकायाच्या (Okaya) या इलेक्ट्रिक स्कूटरचे नाव फास्ट (Faast) ठेवलं आहे. ओकाया फास्टचे बुकिंगही सुरू झाले असून ग्राहक ही इलेक्ट्रिक स्कूटर ओकाया (Okaya) फक्त 1,999 रुपये भरून बुक करू शकता. भारतीय बाजारपेठेत ओकायाची (Okaya) ही इलेक्ट्रिक स्कूटर ओलाच्या S1, TVS च्या iQube, Bounce Infinity E1 आणि बजाज चेतक इलेक्ट्रिकशी स्पर्धा करण्यास उतरली आहे.
नव्या वर्षात होणार डिलिव्हरी :-
ओकाया (Okaya) फास्ट (Faast) इलेक्ट्रिक स्कूटर उत्कृष्ट लुकसह आली आहे. स्कूटरला ऑल-एलईडी लाइटिंग सेटअप आणि डिजिटल इन्स्ट्रुमेंट कन्सोल मिळतो. इलेक्ट्रिक स्कूटरमध्ये 4.4kW बॅटरी पॅक आहे, ज्यामुळे स्कूटरला जास्तीत जास्त 200 किमीची रेंज मिळते.
ओकाया फास्टमध्ये (Faast) मॅक्सी स्कूटरसारखी रचना आहे आणि ती ड्युअल-टोन पेंट स्कीमसह येते. इलेक्ट्रिक स्कूटरचे बुकिंग कंपनीच्या अधिकृत वेबसाइटवर किंवा डीलरशिपवर केले जाऊ शकतं. पुढील वर्षी जानेवारीच्या अखेरीस इलेक्ट्रिक स्कूटरची डिलिव्हरी सुरू होणार आहे.
स्कूटरचा टॉप स्पीड 70 Km आहे :-
ओकायाची (Okaya) वेगवान इलेक्ट्रिक स्कूटर रेड, ग्रे, ग्रीन आणि व्हाईट कलर पर्यायांमध्ये उपलब्ध आहे. या इलेक्ट्रिक स्कूटरचा टॉप स्पीड 70 km प्रतितास आहे. ओकाया फास्ट इलेक्ट्रिक स्कूटरची एक्स-शोरूम किंमत 89,999 रुपये आहे.
स्कूटरमध्ये लिथियम फॉस्फेट बॅटरी आहे. ओकाया फास्ट इलेक्ट्रिक स्कूटरच्या चाकांना डिस्क / ड्रम ब्रेक किंवा दोन्हीचे संयोजन दिले जाऊ शकते. स्कूटरच्या पुढील बाजूस स्टँडर्ड टेलिस्कोपिक फॉर्क्स आणि मागील बाजूस मोनो शॉक किंवा ड्युअल शॉक युनिट दिले जाऊ शकतात.
