शेतीशिवार टीम, 13 फेब्रुवारी 2022 : ऑटोमॅटिक गिअरबॉक्स (Automatic gearbox) असलेल्या वाहनांची मागणी देशात सातत्याने वाढत आहे. ऑटोमॅटिक ट्रान्समिशन असलेलं वाहन तुमच्या कार ड्रायव्हिंगचा अनुभव अत्यंत स्मूथ बनवतं.
हे तुम्हाला शहरातील ट्रॅफिकसारख्या परिस्थितीत पुन्हा पुन्हा क्लच दाबण्याच्या त्रासापासून दूर ठेवतं. याशिवाय महिलांना हे ऑटोमॅटिक वाहन चालवणे सोपं जातं. आता आपण भारतात मिळणाऱ्या 5 सर्वात स्वस्त ऑटोमॅटिक कारबद्दल जाणून घेणार आहोत..
1. डॅटसन रेडी-गो (Datsun redi-Go) :-
Datsun redi-GO ही देशातील सर्वात स्वस्त कार आहे जी ऑटोमॅटिक गिअरबॉक्ससह येते. या हॅचबॅकच्या ऑटोमॅटिक व्हेरियंटची किंमत 4.95 लाख रुपये (Ex-showroom) आहे. ऑटोमॅटिक व्हेरियंटसह, तुम्हाला 1.0 लिटर पेट्रोल इंजिन मिळेल. तसेच, त्यात 800 सीसी (800 cc) इंजिन देखील देण्यात आलं आहे, जे केवळ मॅन्युअल ट्रान्समिशनमध्ये उपलब्ध आहे.
2. रेनॉल्ट क्विड (Renault Kwid) :-
Renault Kwid सर्वात स्वस्त ऑटोमॅटिक वाहनांच्या यादीत दुसऱ्या क्रमांकावर आहे. 5.09 लाख रुपये (Ex-showroom) पासून सुरू होणाऱ्या किमतीसह ऑटोमॅटिक गिअरबॉक्ससह चार व्हेरियंटमध्ये उपलब्ध आहेत. Datsun प्रमाणे, Kwid सुद्धा 1.0-लिटर पेट्रोल इंजिन देतं जे त्यांचं ऑटोमॅटिक व्हेरियंट आहे. यात 800 सीसी (800 cc) इंजिन देखील देण्यात आलं आहे, जे केवळ मॅन्युअल ट्रान्समिशनसह येते.
3. मारुती सुझुकी एस-प्रेसो (S-Preso) :-
Maruti S-Presso च्या ऑटोमॅटिक व्हेरियंटच्या किमती रु. 5.05 लाख (Ex-showroom) पासून सुरू होतात. हॅचबॅक 1-लिटर पेट्रोल इंजिनद्वारे समर्थित आहे जे 68PS पॉवर आणि 90Nm टॉर्क जनरेट करतं. इंजिनला 5-स्पीड मॅन्युअल आणि 5-स्पीड AMT गिअरबॉक्स मिळतो.
4. ह्युंदाई सँट्रो, (Hyundai Santro) :-
या यादीत ह्युंदाई सँट्रो (Hyundai Santro) चौथ्या क्रमांकावर आहे. सॅन्ट्रोच्या ऑटोमॅटिक व्हेरियंटच्या किंमती 5.82 लाख रुपयांपासून सुरू होतात. Hyundai ने ते 1.1-लिटर चार-सिलेंडर पेट्रोल इंजिन (69PS / 99Nm) सह सुसज्ज केलं आहे, जे 5-स्पीड MT आणि ऑप्शनल 5-स्पीड AMT शी जोडलेलं आहे.
5. मारुती सुझुकी वॅगनआर (Maruti Suzuki WagonR) :-
Maruti WagonR च्या ऑटोमॅटिक व्हेरियंटच्या किमती रु. 6.00 लाख (Ex-showroom) पासून सुरू होतात. मारुती WagonR ला दोन पेट्रोल इंजिन 1-लिटर (68PS/90Nm) आणि 1.2-लिटर (83PS/113Nm) मिळतात. इंजिनला 5-स्पीड मॅन्युअल आणि 5-स्पीड AMT गिअरबॉक्स मिळतो.
