Tata Nexon EV वर तब्बल 1.60 लाखांचा डिस्काउंट..! किमतीतही झाली 85 हजारांची घट, पहा संपूर्ण ऑफर अन् किंमत..

टाटाची सर्वात लोकप्रिय इलेक्ट्रिक कार, Nexon EV वर या महिन्यात तब्बल 1.60 लाखांपर्यंतचे फायदे देत आहे. तसे, कंपनीने Nexon च्या ऑन – रोड किंमत कमी केली आहे. त्यामुळे नेक्सॉन ईव्हीच्या विक्रीलाही चालना मिळाली आहे. आता कंपनी Nexon EV Prime वर Rs 90,000 पर्यंत डिस्काउंट आणि Nexon EV Max वर Rs 80,000 पर्यंत डिस्काउंट देत आहे. हा डिस्काउंट आधीपासून उपलब्ध असलेल्या डिस्काउंटपेक्षा वेगळा आहे.

जानेवारी 2023 मध्ये, Nexon EV प्राइमसाठी 50,000 रुपयांपर्यंत आणि EV Max साठी 85,000 रुपयांपर्यंतच्या किमतीत कपात करण्यात आली होती. FAME II नुसार, इलेक्ट्रिक कारला प्रति kWh 10,000 रुपये अनुदान मिळते. किंवा EV च्या एकूण किमतीच्या 20% वर सबसिडीचा लाभ मिळतो.

टाटा नेक्सॉन ईव्ही मॅक्समध्ये हाय व्होल्टेज झिपट्रॉन टेक्नॉलॉजी वापरण्यात आली आहे. हे Nexon EV Max XZ+ आणि Nexon EV Max XZ+ Luxe या दोन ट्रिम ऑप्शनसह येते. हे इंटेन्सिटी – टील, डेटोना – ग्रे आणि प्रिस्टिन व्हाइट या 3 कलरमध्ये सादर केलं गेलं आहे. याला स्टॅंडर्ड म्हणून ड्युअल टोन बॉडी कलर मिळतो.

Nexon EV Max 40.5 kWh क्षमतेच्या लिथियम – आयन बॅटरी पॅकसह सुसज्ज आहे, जे 33% अधिक बॅटरी क्षमता प्रदान करते. एकदा पूर्ण चार्ज केल्यानंतर, ती 437 किमीची ARAI प्रमाणित रेंज देते. यात 3.3 kW चार्जर किंवा 7.2 kW AC फास्ट चार्जर ऑप्शन आहे. त्याचा 7.2 kW चा एसी फास्ट चार्जर घर किंवा ऑफिसमध्ये बसवता येतो. हे चार्जिंग वेळ 6.5 तासांपर्यंत कमी करण्यास मदत करते. 50 kW DC फास्ट चार्जरने फक्त 56 मिनिटांत 0-80 टक्के चार्ज करता येते.

Nexon EV Max मध्ये 3 ड्रायव्हिंग मोड – इको, सिटी आणि स्पोर्ट आहेत. यात अपग्रेडेड ZConnect 2.0 कनेक्टेड कार टेक्नॉलॉजी देण्यात आली आहे. ज्यामध्ये 8 नवीन फीचर्स उपलब्ध आहेत. ZConnect अँप 48 कनेक्टेड कार फीचर्स ऑफर करते. हे डीप ड्राइव्ह अँनालिटिक्स आणि डायग्नोस्टिक्समध्ये मदत करेल. अँड-ऑन फीचर्सच्या यादीमध्ये स्मार्टवॉच इंटिग्रेशन, ऑटो / मॅन्युअल डीटीसी चेक, चार्जिंग लिमिट सेटिंग, मंथली व्हीकल रिपोर्ट्स आणि एन्हांस्ड ड्राइव एनालिटिक्स समाविष्ट आहे.

19024 फूट उंचीचा केला विक्रम..

Tata Nexon EV Max चे नाव इंडिया बुक ऑफ रेकॉर्डमध्ये नोंदवण्यात आलं आहे. नेक्सॉन ईव्ही मॅक्सने लडाखमधील उमलिंग घाटात यशस्वी चढाई केली. हा जगातील सर्वात उंच मोटर करण्यायोग्य रस्ता देखील आहे. त्याची समुद्रसपाटीपासूनची उंची 19,024 फूट आहे. हा टप्पा गाठणारी Nexon EV Max ही जगातील पहिली इलेक्ट्रिक कार देखील बनली आहे. नेक्सॉन ईव्ही मॅक्स टीमने एक्सपर्ट ड्राइव्हर्ससह लेह येथून या प्रवासाला सुरुवात केली. जी 18 सप्टेंबर 2022 रोजी रेकॉर्डसह पूर्ण झाला.