नाद करा पण शेतकऱ्याचा कुठं ; थेट ट्रॅक्टरला बनवलं Mahindra Thar, आनंद महिंद्राने पाहिलं अन्…

शेतीशिवार टीम, 25 फेब्रुवारी 2022 : छंद ही एक मोठी गोष्ट आहे आणि जेव्हा वाहनांचा विचार केला जातो तेव्हा ते अधिक मनोरंजक बाब बनतं. असेच एक प्रकरण मेघालयातील जोवई येथून समोर आले आहे, जिथे एका व्यक्तीने महिंद्रा ट्रॅक्टरला महिंद्रा थार मध्ये (Mahindra Thar) बदलण्याचे स्वप्न पूर्ण केलं.

खरं तर, माईया रिम्बाई नावाच्या शेतकऱ्याने आपला महिंद्रा ट्रॅक्टर महिंद्रा थार (Mahindra Thar) सारखा बनवला आहे, ज्याने महिंद्रा समूहाचे अध्यक्ष आनंद महिंद्रा यांचे लक्ष वेधून घेतलं आहे.

आपल्या ट्विटरवर हे शेअर करत आनंद महिंद्रा यांनी लिहिले,हा एक Strange दिसणारा बीस्ट आहे…पण तो डिस्ने एनिमेटेड चित्रपटातील पात्रासारखा दिसून येत आहे.

एग्रिकल्चर आणि फार्मिंग मशीनरी बनवणारी महिंद्रा ट्रॅक्टर्स या महिंद्राचा एक विभाग जो Machinery तयार करतो, असं म्हटलं आहे की,ज्या ट्रॅक्टरमध्ये बदल करण्यात आला आहे तो कंपनीचा 275 डीआई टीयू ट्रॅक्टर आहे. 39 हॉर्सपॉवरची क्षमता आणि शेतीतील मजबूत क्षमतेमुळे कंपनीच्या सर्वाधिक विक्री होणाऱ्या ट्रॅक्टरमध्ये त्याचा समावेश होतो.

Now that’s a strange looking beast…But it looks like a loveable character from a Disney animated film! https://t.co/JBR25yeXKD

— anand mahindra (@anandmahindra) February 22, 2022

किंबहुना, हे मॉडिफाइड वाहन थोडेसे विचित्र दिसते कारण समोरचा भाग लहान आणि मागील भाग मोठा आहे.येथे ट्रॅक्टरची मागील चाके मानक ट्रॅक्टरची आहेत ज्यात महिंद्रासारखा टॉप बनलेला आहे.

एकंदरीत हा ट्रॅक्टर दिसतोय Thar सारखा :-  

या ट्रॅक्टरवरील केबिन ओनरने कस्टमाइझ केली आहे. ट्रॅक्टरच्या पुढच्या आणि मागच्या भागात मोठा फरक केला आहे, त्यामुळेच दरवाजे खूप आश्चर्यजनक झाले आहेत. ट्रॅक्टरच्या केबिनमध्ये पुढील विंडशील्ड आणि प्रवाशांच्या बाजूच्या खिडक्या देण्यात आल्या आहेत. पुढचा आणि बाजूचा भाग ट्रॅक्टरसारखा दिसतो पण एकंदरीत तो थारसारखा दिसतो.

तरीपण,याला थार फ्रंट व्हील्ससारखे फ्रंट बंपर मिळतात जे टर्न इंडिकेटरसह येतात. या वेगळ्या प्रकारचा ट्रॅक्टरचा मागचा भाग बघायला मिळाला नाही, पण थारमध्ये दिसल्याप्रमाणे सॉफ्ट टॉप इथे देण्यात आला असावा असा अंदाज आहे.