शेतीशिवार टीम, 18 मार्च 2022 : हॅचबॅक कार भारतात सर्वाधिक विकल्या जातात. या कार्स कमी किंमत असल्यामुळे ग्राहकांच्या पसंतीत उतरत आहे. तसेच छोट्या कुटुंबासाठी योग्य ऑप्शन ठरत आहे. तुम्हालाही नवीन कार घ्यायची असेल आणि बजेट थोडं कमी असेल तर हा लेख तुमच्यासाठी आहे. येथे आपण 4 लाखांपेक्षा कमी बजेटमध्ये उपलब्ध असलेल्या 3 कारबद्दल जाणून फँघेणार आहोत….
मारुती सुझुकी अल्टो (Maruti Suzuki Alto) :- किंमत 3.25 लाख :-
ही कार दोन दशकांपासून भारतीय बाजारपेठेत आहे. कारची किंमत रु. 3.25 लाख (Ex-showroom) पासून सुरू होते. मारुती सुझुकी अल्टो 0.8-लीटर पेट्रोल इंजिन देण्यात आले आहे, जे 47bhp आणि 69Nm टॉर्क जनरेट करतं.
हे सीएनजी CNG ऑप्शनमध्येही उपलब्ध आहे. CNG सह कारचे मायलेज 31KM पेक्षा जास्त आहे. यात 7-इंच टचस्क्रीन इन्फोटेनमेंट सिस्टम, रिव्हर्स पार्किंग सेन्सर्स, फ्रंट आणि रिअर बॉटल होल्डर, पॉवर विंडो, रिमोट कीलेस एंट्री आणि फ्रंट ड्युअल एअरबॅगसह दोन-टोन डॅशबोर्ड मिळतो.
मारुती सुझुकी एस-प्रेसो (S-Preso) :- किंमत 3.85 लाख :-
कारची किंमत रु.3.85 लाख (Ex-showroom) पासून सुरू होते. हे 1.0-लिटर 3-सिलेंडर पेट्रोल इंजिनद्वारे समर्थित आहे जे 67bhp / 90Nm जनरेट करते. अल्टो प्रमाणे, हे CNG मध्ये देखील उपलब्ध आहे आणि 31KM पेक्षा जास्त मायलेज देते.
फीचर्सच्या लिस्टमध्ये सेंट्रली माउंटेड इन्स्ट्रुमेंट क्लस्टर, मारुती स्मार्ट – प्ले स्टुडिओसह टचस्क्रीन सिस्टम, ड्युअल फ्रंट एअरबॅग्ज, यूएसबी आणि 12-व्होल्ट स्विचेस, स्टीयरिंग माउंटेड कंट्रोल्स यांसारख्या फीचर्सचा समावेश आहे.
दत्सुन रेडी-गो (Datsun redi-GO) :- किंमत रु. 3.98 लाख :-
Datsun redi-GO हॅचबॅक किंमत 4.52 लाख रुपये (Ex-showroom) पासून सुरू होते. यात 0.8 लीटर आणि 1 लीटर पेट्रोल इंजिन देण्यात आलं आहे. हे 22 kmpl पर्यंत मायलेज देते.
यात LED DRLs, LED फ्रंट फॉग लॅम्प, डिजिटल टॅकोमीटर, नवीन ड्युअल-टोन 14-इंच व्हील कव्हर, अँड्रॉइड ऑटो आणि ऍपल कारप्लेसह 8-इंच टचस्क्रीन इन्फोटेनमेंट सिस्टम आणि कीलेस एंट्री यांसारखे फीचर्स देण्यात आले आहेत.
