Post Office : पोस्ट ऑफिसची जबरदस्त योजना । ज्वॉइंट अकाउंटमध्ये दर महिन्याला येतील 4950 रु. पैसाही राहील सेफ…

शेती शिवार टीम,17 मे 2022 :- Post Office Monthly Income Scheme : जर तुम्ही सुरक्षित योजनेत तुमचे पैसे जमा करून दरमहा उत्पन्नाचे साधन शोधत असाल तर (Post Office) च्या छोट्या बचतीकडे (Small savings) लक्ष द्या. पोस्ट ऑफिस मंथली इन्कम स्कीम (POMIS) गुंतवणूकदारांना दरमहा ठराविक रक्कम कमावण्याची संधी देतंय. या योजनेअंतर्गत सिंगल आणि ज्वॉइंट अकाउंट उघडण्याची सुविधा आहे. सेवानिवृत्तीनंतर पेन्शनसाठी अनेकजण या योजनेचा लाभ घेत आहेत. आणि पोस्ट ऑफिसची ही योजना असल्याने ती पूर्णपणे जोखीममुक्त आहे. 

जास्तीत जास्त 9 लाख करता येतील जमा…

POMIS मध्ये सिंगल आणि ज्वॉइंट सुविधा आहे. एका खात्यातून जास्तीत जास्त 4.5 लाख रुपयांची गुंतवणूक केली जाऊ शकते. दुसरीकडे, जर संयुक्त खाते असेल तर तुम्ही जास्तीत जास्त 9 लाख रुपये गुंतवू शकता. ज्वॉइंट खात्यात जास्तीत जास्त 3 प्रौढ व्यक्ती देखील असू शकतात. पण कमाल मर्यादा फक्त 9 लाखापर्यंत आहे.

कसे मिळेल मासिक पैसे :-

सध्या, POMIS वर वार्षिक 6.6% व्याजदर आहे. जर तुम्ही या योजनेत ज्वॉइंट खात्याद्वारे 9 लाख रुपये जमा केले असतील, तर एका वर्षासाठी एकूण 59,400 रुपये वार्षिक 6.6% दराने व्याज मिळेल. ही रक्कम वर्षाच्या 12 महिन्यांत वितरित केली जाईल. अशा प्रकारे प्रत्येक महिन्याचे व्याज सुमारे 4950 रुपये असेल. लक्षात ठेवा की, तुम्ही एका खात्यातून 4,50,000 लाख रुपये जमा केल्यास, मासिक व्याज हे 2475 रुपये मिळेल….

POMIS खातं नेमकं कसं उघडायचं ?

यासाठी पोस्ट ऑफिसमध्ये तुमचे बचत खाते असणे आवश्यक आहे.
आधार कार्ड / पासपोर्ट / मतदार कार्ड / ड्रायव्हिंग लायसन्स वैध आहे.
2 पासपोर्ट आकाराचे फोटो
सरकारने जारी केलेले ओळखपत्र किंवा युटिलिटी बिल पत्त्याच्या पुराव्यासाठी वैध आहेत..

जर ही कागदपत्रे असतील तर तुम्हाला पोस्ट ऑफिसमध्ये जाऊन POMIS चा फॉर्म भरावा लागेल. तुम्ही तो ऑनलाइनही डाउनलोड करू शकता. फॉर्म भरण्यासोबतच नामनिर्देशित (Nominee) व्यक्तीचे नावही द्यावे लागणार आहे. हे खाते उघडण्यासाठी सुरुवातीला 1000 रुपये रोख किंवा चेकद्वारे जमा करावे लागतील…

ही योजना कोणासाठी चांगली आहे ?

ही योजना 5 वर्षांसाठी असली तरी ती आणखी 5 – 5 वर्षांसाठी वाढवली जाऊ शकते. म्हणजेच यात आजीवन मासिक उत्पन्नाचा लाभ घेता येतो. यामध्ये तुमच्या ठेवींवर मिळणारे वार्षिक व्याज 12 भागांमध्ये विभागलं आहे. त्यानंतर ते पैसे तुमच्या खात्यात मासिक आधारावर ट्रान्सफर केले जातात.

जर तुम्ही कोणत्याही महिन्यासाठी पैसे काढले नाहीत,  तर ते देखील मूळ रकमेमध्ये जोडलं जातं आणि त्यावर व्याज देखील मिळतं. कोणताही भारतीय नागरिक POMIS मध्ये गुंतवणूक करू शकतो. ज्या गुंतवणूकदारांना दर महिन्याला निश्चित उत्पन्न हवे आहे त्यांच्यासाठी ही एक चांगली योजना आहे.