शेतीशिवार टीम : 24 मार्च 2022 : ओबेन इलेक्ट्रिकने (Oben Electric) अलीकडेच भारतात आपली पहिली इलेक्ट्रिक मोटरसायकल ओबेन रोर (Oben Rorr) लाँच केली आहे. भारतीय बाजारपेठेत, ती टॉर्क क्रॅटोस आर (Tork Kratos R) आणि रिव्हॉल्ट आरव्ही – 400 (Revolt RV400) सारख्या इलेक्ट्रिक बाइकशी थेट स्पर्धा करताना दिसून येणार आहे. Oben Rorr इलेक्ट्रिक मोटरसायकल सध्या आठ वेगवेगळ्या राज्यांमध्ये विक्रीसाठी उपलब्ध असून त्याची स्टार्टींग प्राईस ही 99,999 (Ex-showroom) किमतीत लॉन्च केली आहे.
फक्त 999 रु. कंपनीने सुरु केली बुकिंग :-
ओबेन रोर इलेक्ट्रिक मोटरसायकलचे बुकिंग 18 मार्चपासून सुरू झालं आहे. कंपनीने जाहीर केलं आहे की, ओबेन रोर (Oben Rorr) इलेक्ट्रिक मोटरसायकलचे बुकिंग 999 रुपये टोकन रक्कम भरून या https://booking.obenev.com/ व्हेबसाइटवरून ऑनलाईन केलं जाऊ शकतं.
प्रत्येक राज्यात वेगळी किंमत पण महाराष्ट्रात सर्वात कमी :-
राज्यांच्या EV धोरणांतर्गत ऑफर केलेल्या प्रोत्साहनांवर अवलंबून वेगवेगळ्या राज्यांमध्ये मोटारसायकलच्या किंमती वेगळ्या आहेत. महाराष्ट्र हे एकमेव राज्य आहे जिथे ओबेन रोरची (Oben Rorr) किंमत 1 लाख रुपयांपेक्षा कमी आहे. रु. 25,000 इन्सेंटिव्हचा लाभ घेतल्यानंतर, महाराष्ट्रात त्याची किंमत रु. 99,999 आहे.
राष्ट्रीय राजधानीत प्रोत्साहनाचा लाभ घेतल्यानंतर, दिल्लीमध्ये त्याची किंमत 1,02,999 रुपये / गुजरात आणि राजस्थानमध्ये, मोटरसायकलला अनुक्रमे 20,000 रुपये आणि 10,000 रुपयांचे प्रोत्साहन मिळेल. या दोन राज्यांमध्ये प्रोत्साहनानंतर, त्याची किंमत अनुक्रमे 104,999 रुपये आणि 114,999 रुपये असेल. Oben Rorr ची किंमत कर्नाटक, तामिळनाडू, आंध्र प्रदेश आणि तेलंगणा सारख्या राज्यांमध्ये 1,24,999 रुपये (Ex-showroom) असेल.
टेस्ट ड्राइव आणि डिलिव्हरी :-
ईव्ही स्टार्टअपने सांगितलं आहे की, Oben Rorr ही या वर्षी मे पासून टेस्ट ड्राइव्हसाठी उपलब्ध होणार असून जुलै 2022 मध्ये बाईकचे वितरण सुरू होणार आहे. डिझाइनच्या बाबतीत, मोटरसायकल निओ-स्पोर्ट्स मॉडेलसह येते, जी चा लुक Honda CB300R निओ स्पोर्ट्स कॅफे रेसर सारखा आहे.
लुक आणि डिझाइन :-
यामध्ये इंटीग्रेटेड एलईडी डेटाइम रनिंग लाइट आणि बाजूने स्लीक एलईडी टर्न इंडिकेटर लाइट्ससह फुल सर्कुलर एलईडी हेडलॅम्प मिळतो. इन्स्ट्रुमेंट क्लस्टर पूर्णपणे डिजिटल आहे आणि मोटारसायकलच्या प्रीमियम व्हिज्युअल लुकमध्ये भर घालते. याला त्याच्या बॉडी पॅनेल्ससह मस्कुलर स्टांस मिळतो कंपनीने बॅटरी आणि इलेक्ट्रिक मोटर ही पारंपारिक मोटारसायकलींचं इंजिन जिथं असतं तिथेच ठेवलं आहे. स्प्लिट सीट, स्लीक टेल सेक्शन, स्लिम एलईडी टेललाइट मोटारसायकलला अधिक आकर्षक बनवतं.
रेंज आणि स्पीड :-
Oben Rorr ही बाईक आकर्षक डिझाईनसह येतं आहे. आणि एकदा फुल चार्ज केल्यानंतर ती 200 KM ची रेंज कव्हर देते. ओबेन इलेक्ट्रिकने सांगितलं आहे की, Oben Rorr या इलेक्ट्रिक मोटरसायकलला इको, सिटी आणि हॅवोक असे तीन वेगवेगळे राइडिंग मोड मिळतात. इको मोडमध्ये मोटारसायकलचा टॉप स्पीड 50KM प्रतितास आहे. तर Havoc मोडमध्ये ते 100 kmph च्या टॉप स्पीडने चालवता येते.
सर्वात फास्ट ई-बाईक :-
ओबेन रॉर इलेक्ट्रिक मोटरसायकलला पॉवरिंग 4.4 kWh लिथियम-आयन बॅटरी पॅक आहे जे 10 kW इलेक्ट्रिक मोटरसह जोडलेलं आहे. हे 62 Nm टॉर्क जनरेट करतं. ही मोटरसायकल भारतातील सर्वात वेगवान इलेक्ट्रिक बाइक असल्याचा दावा केला जात आहे. कंपनीचं म्हणणं आहे की, ही ई-बाईक फक्त तीन सेकंदात 0 ते 40 किमी प्रतितास वेग पकडू शकते आणि अवघ्या दोन तासांत पूर्ण चार्ज होते, असा दावा ओबेनने केला आहे.
ब्रेकिंग सिस्टम :-
इलेक्ट्रिक मोटरसायकलला ब्लॅक अलॉय व्हील्स मिळतात जे मांसल टायर्स भोवती गुंडाळलेले असतात. दोन्ही चाकांना CBS सह डिस्क ब्रेक मिळतात. मोटरसायकलमध्ये ABS नाही. बाइकला 200 मिमीचा ग्राउंड क्लीयरन्स मिळतो.
