शेतीशिवार टीम, 3 मार्च 2022 : भारतीय ग्राहकांना कमी किमतीत केवळ गाडीची किंमतच कमी असावी असं नाही तर सध्या त्यांनी गाडीच्या सुरक्षिततेकडेही वळल्याचे दिसून येत आहे. अशा परिस्थितीत, कंपन्यांनी त्यांच्या गरजा पूर्ण करण्यासाठी मजबूत सेफ्टी फीचर एयरबॅगसह सध्या वाहनांना ऑफर करण्यास सुरुवात केली आहे अन् हे सेफ्टी फीचर्स म्हणजे जास्तीत जास्त एअरबॅग असणं.
सध्या, भारतात 7- सीटर कारसह 3 एअरबॅग अनिवार्य केल्या आहेत. आणि अलीकडेच सर्व 8- सीटर कारसह 6 एअरबॅग अनिवार्य करण्यात आल्या आहेत. परंतु कंपन्यांनी आता त्यांच्या 5-सीटर आणि 7-सीटर कारसह 6 एअरबॅग ऑफर करण्यास सुरुवात केली आहे. आता आपण भारतात विकल्या जाणार्या 5 स्वस्त कार्सबद्दल जाणून घेणार आहोत, ज्या 6 एअरबॅगसह येतात…
मारुती सुझुकी बलेनो (Maruti Suzuki Baleno) :-
मारुती सुझुकीने भारतीय ग्राहकांची आवडती प्रीमियम हॅचबॅक 2022 बलेनो लॉन्च केली आहे, ज्याची स्टार्टींग एक्स-शोरूम किंमत 6.35 लाख रुपये आहे. कारच्या टॉप मॉडेलची किंमत 9.49 लाख रुपये आहे. मारुती सुझुकीने 6 एअरबॅगसह 360-डिग्री कॅमेरा आणि 20 पेक्षा जास्त सेफ्टी फीचर्ससह सेफ्टी च्या दृष्टीने नवीन Baleno मजबूत बनते. सेगमेंटमध्ये पहिला 360-डिग्री कॅमेरा देण्यात आला आहे जो ड्रायव्हरला खूप मदत करतो.
नवीन Baleno च्या Zeta आणि Alpha व्हेरियंटमध्ये 6 एअरबॅग्ज देण्यात आल्या आहेत, ज्यांची स्टार्टींग एक्स-शोरूम किंमत 8.09 लाख रुपये आहे. सध्या ही 6 एअरबॅगसह देशातील सर्वात परवडणारी प्रीमियम हॅचबॅक ठरली आहे. लॉंच होताच या कारने तब्बल 25 हजार युनिट्स विकले आहेत. याशिवाय कारमध्ये एबीएस विथ ईबीडी, ब्रेक असिस्ट, ईएसपी, हिल-होल्ड असिस्ट, रिव्हर्स पार्किंग सेन्सर यांसारखे सेफ्टी फीचर्स देण्यात आले आहेत.
Kia Carens 7- सीटर :-
Kia Carens ही 7-सीटर MPV आहे ज्याने भारतात येताच ग्राहकांची मने जिंकली आहेत. कंपनीने 3-रो कारची एक्स-शोरूम किंमत 8.99 लाख रुपये लाँच केली आहे. सध्या मार्केटमध्ये Kia Carens ची अवस्था अशी आहे की, ग्राहकांना 13 ते 49 आठवड्यांचा व्हेटिंग पिरियड दिला जात आहे.
सेफ्टी फीचर्सवर नजर टाकली तर 6 एअरबॅग्ज, ABS, ESC, HAV, VSM, डाउनहिल ब्रेक कंट्रोल, BAS, सर्व चाकांवर डिस्क ब्रेक्स, टायर प्रेशर मॉनिटरिंग सिस्टीम आणि मागील पार्किंग सेन्सर यांसारखे जबरदस्त फीचर्स देण्यात आल्याने ही MPV ग्राहकांच्या पसंतीत उतरली आहेत.
सध्या मार्केटमध्ये, या नव्या MPVने Hyundai Alcazar, MG Hector Plus, Tata Safari, Mahindra XUV700 आणि Toyota Innova Crysta यांच्याशी थेट स्पर्धा सुरू झाली आहे. कंपनीने असा दावा केला आहे की, नवीन कॅरेन्स एक लिटर पेट्रोलमध्ये 21Km पेक्षा जास्त मायलेज देत आहे, जे त्याचे सर्वात मोठं फीचर्स मानलं गेलं आहे. आत्तापर्यंत कोणत्याही 7-सीटर MPV ला 21Km पेक्षा जास्त नसल्याने या MPV ला घेण्यास ग्राहक तुटून पडले आहेत.
ह्युंदाई i20 (hyundai i20) :-
Hyundai i20 च्या Asta ऑप्शनल व्हेरियंटला 6 एअरबॅग्ज देण्यात आल्या आहेत, ज्याची सुरुवातीची एक्स-शोरूम किंमत 9.48 लाख रुपये ठेवण्यात आली आहे, टॉप मॉडेलसाठी, ही किंमत 10.83 लाख रुपये आहे. याशिवाय प्रीमियम हॅचबॅकला EBD, Highline TPMS, ESC, हिल असिस्ट कंट्रोल, रिव्हर्स पार्किंग सेन्सर्स, रियर पार्किंग कॅमेरा आणि ISOFIX हेड सीट अँकरसह ABS देण्यात आले आहेत.
Hyundai i20 हे तीन इंजिन ऑप्शनसह ऑफर करण्यात आली आहे. ज्यात 1.2-लिटर नॅचुरली एस्पिरेटेड पेट्रोल इंजिन 83PS पॉवर, 100PS पॉवरसह 1.5 -लिटर डिझेल आणि 120PS पॉवर निर्माण करणारे 1.0-लिटर टर्बो पेट्रोल इंजिन समाविष्ट आहे.
hyundai i20 n line :-
कार स्टँडर्ड i20 वर आधारित आहे जी खूपच मजबूत कामगिरीसाठी तयार केली गेली आहे. यासोबतच i20 मध्ये सेफ्टी फीचर्स देण्यात आले आहेत, ज्यामध्ये टॉप मॉडेल N8 मध्ये 6 एअरबॅग्ज देण्यात आल्या आहेत. या शक्तिशाली हॅचबॅकमध्ये नेहमीचे 1.0-लिटर TGDI टर्बो-पेट्रोल इंजिन 6-स्पीड IMT आणि 7-स्पीड DCT ट्रान्समिशनला मिळते.
i20 च्या तुलनेत, N Line व्हर्जन पूर्णपणे ब्लॅक इंटीरियरसह येतं जे रेड हायलाइटसह पूर्ण केली गेली आहे. कारच्या बंपर आणि साइड स्कर्टवरही हाच रेड कलर देण्यात आला आहे. येथे कारला ट्विन-पाइप एक्झॉस्ट, भिन्न ग्रिल आणि एन-लाइन बॅज आहे. त्याची एक्स-शोरूम किंमत 10.93 लाख रुपये आहे.
ह्युंडई वेन्यू (Hyundai Venue 2022) :-
या छोट्या आकाराच्या SUV ला ग्राहकांमध्ये खूप पसंती मिळत आहे. Hyundai ने Venue च्या टॉप मॉडेल SX ऑप्शनलला 6 एअरबॅग्ज दिल्या आहेत. याशिवाय, ही कॉम्पॅक्ट SUV एबीएससह ईबीडी, ईएससी, व्हायकल स्टॅबिलिटी मॅनेजमेंट, हिल असिस्ट कंट्रोल, रिअर पार्किंग सेन्सर्स, रिअर कॅमेरा, हायलाइन टायर प्रेशर मॉनिटरिंग सिस्टम आणि ISOFIX चाइल्ड सीट अँकर यांसारखे जबरदस्त फीचर्स देण्यात आली आहेत.
अँपल कारप्ले आणि अँड्रॉइड ऑटो, ऑटो क्लायमेट कंट्रोल, रिअर एसी व्हेंट्स, ब्लूलिंक कनेक्टेड कार टेक्नॉलॉजी, वायरलेस मोबाइल चार्जिंग, क्रूझ कंट्रोल, पुश-बटण स्टार्ट / स्टॉप आणि बरेच काही यासह 8-इंच टचस्क्रीन सिस्टीमी सारख्या फीचरसह सनरूफ देण्यात आलं आहे.
